काठमाडौं ।काठमाडौंबाट झापाको भद्रपुरका लागि उडेको उडान संख्या ९०१ को जहाज भद्रपुर विमानस्थलमा अवतरणका क्रममा दुर्घटनामा परेको छ । 901जहाज 9N-AMF कलसाइन रहेको उक्त जहाज अवतरण गर्ने क्रममा अनियन्त्रित भई रनवेबाट बाहिर पुगेको हो ।
विमान रनवेबाट बाहिरिए पनि ठूलो दुर्घटना हुनबाट जोगिएको छ । जहाजमा सवार ५१ जना यात्रु र ४ जना चालक दलका सदस्य गरी कुल ५५ जना नै सकुशल रहेको पुष्टि भएको छ । एयरलाइन्सले आफ्नो आधिकारिक सामाजिक सञ्जाल फेसबुकमार्फत जानकारी दिँदै सम्पूर्ण यात्रुहरू सुरक्षित रहेको जनाएको छ । घटना लगत्तै एयरलाइन्सले काठमाडौंबाट अर्को जहाजमार्फत प्राविधिक (टेक्निकल) तथा रिलिफ टिम भद्रपुर पठाएको छ । उक्त टोलीले जहाजको अवस्था जाँच गर्ने र आवश्यक व्यवस्थापनको काम गर्नेछ ।
