एआईजी बि.क.द्वारा झापाको निर्वाचन सुरक्षा र तयारीको निरीक्षण

झापा । आगामी प्रतिनिधि सभा निर्वाचनलाई लक्षित गर्दै प्रहरी अतिरिक्त महानिरीक्षक (एआईजी) डम्बर बहादुर बि.क.ले झापा जिल्लाको निर्वाचन तयारी र सुरक्षा अवस्थाको अनुगमन गर्नुभएको छ। जिल्ला प्रहरी कार्यालय झापाको निरीक्षणका क्रममा उहाँले शान्ति सुरक्षाको अवस्था, कर्मचारी व्यवस्थापन र कार्यसम्पादनको जानकारी लिनुका साथै जिल्लास्थित अन्य सुरक्षा निकायका पदाधिकारीहरूसँग समेत छलफल गर्नुभयो । जिल्ला प्रहरी प्रमुख एसपी बशुन्धरा खड्कासमेत उपस्थित उक्त कार्यक्रममा एआईजी बि.क.ले शान्तिपूर्ण र भयरहित वातावरणमा निर्वाचन सम्पन्न गर्न सम्पूर्ण प्रहरी कर्मचारी तथा निर्वाचन प्रहरीलाई कडा निर्देशन दिनुभएको छ।