मुख्य समाचार
नेपाली कांग्रेसद्वारा देशव्यापी ‘हामी तयार छौँ’ अभियान सञ्चालन हुने | रुपन्देहीमा सशस्त्र प्रहरीद्वारा ६ लाख बढीको अवैध सामान बरामद | कावासोतीमा यात्रुवाहक बस दुर्घटना हुँदा २५ जना घाइते | उदाउँदो सूर्यलाई अर्घ्य दिएसँगै चार दिवसीय छठ पर्व विधिवत् रूपमा सम्पन्न | साढे चार लाखभन्दा बढी मूल्यको अवैध चराको प्वाख र मोटरसाइकलसहित चालक नियन्त्रणमा | छठ पर्वले सामाजिक एकता र सहअस्तित्वको भावना बलियो बनाउँछः मुख्यमन्त्री आचार्य | आज छठ पर्वको मुख्य दिन: साँझ अस्ताउँदो सूर्यलाई अर्घ्य दिइँदै | छठ पर्वलाई लक्षित गर्दै नेपाल–भारत सीमा क्षेत्रमा सुरक्षा व्यवस्था कडा | रास्वपा र सरकारबिच विवाद छैन : सभापति लामिछाने | गागलफेदीस्थित होमस्टेबाट जुवा खेलिरहेको अवस्थामा ३७ जना पक्राउ |
मुख्य समाचार
नेपाली कांग्रेसद्वारा देशव्यापी ‘हामी तयार छौँ’ अभियान सञ्चालन हुने | रुपन्देहीमा सशस्त्र प्रहरीद्वारा ६ लाख बढीको अवैध सामान बरामद | कावासोतीमा यात्रुवाहक बस दुर्घटना हुँदा २५ जना घाइते | उदाउँदो सूर्यलाई अर्घ्य दिएसँगै चार दिवसीय छठ पर्व विधिवत् रूपमा सम्पन्न | साढे चार लाखभन्दा बढी मूल्यको अवैध चराको प्वाख र मोटरसाइकलसहित चालक नियन्त्रणमा | छठ पर्वले सामाजिक एकता र सहअस्तित्वको भावना बलियो बनाउँछः मुख्यमन्त्री आचार्य | आज छठ पर्वको मुख्य दिन: साँझ अस्ताउँदो सूर्यलाई अर्घ्य दिइँदै | छठ पर्वलाई लक्षित गर्दै नेपाल–भारत सीमा क्षेत्रमा सुरक्षा व्यवस्था कडा | रास्वपा र सरकारबिच विवाद छैन : सभापति लामिछाने | गागलफेदीस्थित होमस्टेबाट जुवा खेलिरहेको अवस्थामा ३७ जना पक्राउ |


एक सय रोपनी जग्गामा किवी फार्म

Ujyalosandeshonline 12678+ समाचार ( )
४ मंगशिर २०८२, बिहीबार

रामेछाप । जिल्लामा खेतीयोग्य जमिन बाझिँदै गर्दा रामेछापका केही किसानहरू व्यावसायिक खेतीमा लागेका छन् । जिल्लाको हिमाली क्षेत्र उमाकुण्ड गाउँपालिकाको बाम्तीका एक किसानले व्यावसायिक रूपमा किवी खेती सुरु गरेका छन् । उमाकुण्ड–२ बाम्तिभण्डरका किसान अनन्त खड्काले बाँझो बसेको आफ्नो करिब एक सय रोपनी जग्गामा व्यावसायिक रूपमा किवी खेती लगाएका छन् ।

खड्काले अनन्त एग्रोभेट बायोफार्म दर्ता गरेर आफ्नो निजी जमिनमा १७ सय बोट किवी लगाएका छन् । त्यस मध्ये करिब ७ सय बोटले यस वर्ष उत्पादन दिएको छ । फर्ममा रहेको किवी अब टिप्ने बेला भएको छ । तर खड्का अहिले किवी बेच्ने योजनामा छैनन् । अहिले किवी कोल्डस्टोरमा राखेर चैत लागेपछि बेसिजनमा बजार पठाउने योजनामा उनी छन् ।

‘यस वर्ष १० हजार किलो किवी उत्पादन हुन्छ होला, बेसिजनमा बिक्री गर्दा राम्रै मूल्य आउँछ’, उनले भने । खड्काले स्थानीय सरकार तथा प्रदेश सरकार समेतको सहयोगमा किवी खेती सुरु गरेका हुन् । उनको किवी फार्ममा १ करोड रुपैँया लगानी भइसकेको छ । खड्काको फार्मले गाउँमा किवी खेतीको प्रवर्धनमा निक्कै सहयोग गरेको गाउँपालिका उपाध्यक्ष सावित्री सुनुवार बताउँछिन् ।

बाम्तिमा धेरै किसानले किवी खेती सुरु गरेका बताउँदै उनले सो वडालाई किवीको पकेट क्षेत्र घोषणा गरेर थप खेती प्रवर्धन गर्नुपर्ने बताइन् । ‘गाउँपालिकाले यस्ता किसानलाई प्रोत्साहनका रूपमा अनुदान पनि वितरण गरेका छौँ, यस्ता किसानलाई थप प्रोत्साहन गर्दै लैजाने छौँ’, उनले भनिन् ।

गाउँपालिका अध्यक्ष शेरबहादुर सुनुवार स्थानीय तहमा के काम भइरहेको छ भन्ने कुरा गाउँमा आएर हेर्नुपर्ने बताए । उनले कुरा गरेर मात्रै नहुने बताउँदै उत्पादनको लागि काम नै गर्नुपर्ने सुनुवारले बताए ।
सबै कुरा सरकारले गर्न नसक्ने बताउँदै उनले सरकारले हौसला र टेवा पु¥याउने बताए । उनले किसानहरूलाई उत्पादनमा लाग्ने पनि आग्रह गरे ।

प्रतिक्रिया

ताजा समाचार

सबै







ट्रेन्डिङ

सबै







सम्बन्धित समाचार