मुख्य समाचार
साढे चार लाखभन्दा बढी मूल्यको अवैध चराको प्वाख र मोटरसाइकलसहित चालक नियन्त्रणमा | छठ पर्वले सामाजिक एकता र सहअस्तित्वको भावना बलियो बनाउँछः मुख्यमन्त्री आचार्य | आज छठ पर्वको मुख्य दिन: साँझ अस्ताउँदो सूर्यलाई अर्घ्य दिइँदै | छठ पर्वलाई लक्षित गर्दै नेपाल–भारत सीमा क्षेत्रमा सुरक्षा व्यवस्था कडा | रास्वपा र सरकारबिच विवाद छैन : सभापति लामिछाने | गागलफेदीस्थित होमस्टेबाट जुवा खेलिरहेको अवस्थामा ३७ जना पक्राउ | छठ पर्वको दोस्रो दिन आज खरना मनाइँदै | रास्वपा सभापति रवि लामिछानेको तीनदिने जनकपुर भ्रमण तालिका सार्वजनिक | विश्व प्रहरी शिखर सम्मेलनमा सहभागी हुन गृहमन्त्री गुरुङ दुबई प्रस्थान | बल्खु–दक्षिणकाली–हेटौँडा सडक खण्डमा रात्रिकालीन सवारी सञ्चालनमा रोक |
मुख्य समाचार
साढे चार लाखभन्दा बढी मूल्यको अवैध चराको प्वाख र मोटरसाइकलसहित चालक नियन्त्रणमा | छठ पर्वले सामाजिक एकता र सहअस्तित्वको भावना बलियो बनाउँछः मुख्यमन्त्री आचार्य | आज छठ पर्वको मुख्य दिन: साँझ अस्ताउँदो सूर्यलाई अर्घ्य दिइँदै | छठ पर्वलाई लक्षित गर्दै नेपाल–भारत सीमा क्षेत्रमा सुरक्षा व्यवस्था कडा | रास्वपा र सरकारबिच विवाद छैन : सभापति लामिछाने | गागलफेदीस्थित होमस्टेबाट जुवा खेलिरहेको अवस्थामा ३७ जना पक्राउ | छठ पर्वको दोस्रो दिन आज खरना मनाइँदै | रास्वपा सभापति रवि लामिछानेको तीनदिने जनकपुर भ्रमण तालिका सार्वजनिक | विश्व प्रहरी शिखर सम्मेलनमा सहभागी हुन गृहमन्त्री गुरुङ दुबई प्रस्थान | बल्खु–दक्षिणकाली–हेटौँडा सडक खण्डमा रात्रिकालीन सवारी सञ्चालनमा रोक |


भैरहवामा गुडिरहेको मोटरसाइकलबाट युवकलाई लतारेर अपहरण र ज्यान मार्ने प्रयास, एक जना पक्राउ

Ujyalosandeshonline 12674+ समाचार ( )
सांकेतिक तस्वीर : एआई
१७ जेठ २०८३, आइतबार

भैरहवा । रुपन्देहीको सिद्धार्थनगर नगरपालिकामा एक युवकलाई गुडिरहेको मोटरसाइकलबाट कपडा समातेर भुइँमा लतार्दै अपहरण र ज्यान मार्ने प्रयास गरिएको घटना सार्वजनिक भएको छ । जिल्ला प्रहरी कार्यालय रुपन्देहीका अनुसार उक्त घटनामा संलग्न रहेको आरोपमा प्रहरीले एक जनालाई नियन्त्रणमा लिएर अनुसन्धान सुरु गरेको छ । गत जेठ १० गते दिउँसो अन्दाजी ४:०० बजेको समयमा सिद्धार्थनगर नगरपालिका वडा नं. ४ स्थित दोगहरा लुम्बिनी रोडमा उक्त बीभत्स घटना घटेको हो ।

भैरहवा-लुम्बिनी सडक खण्ड अन्तर्गत एयरपोर्ट अगाडिको बाटोमा गुडिरहेको मोटरसाइकलमा सवार दुई जना व्यक्तिले कोटहीमाई गाउँपालिका वडा नं. ३ बस्ने १९ वर्षीय इन्द्रकेश यादवको कपडा समातेर सडकमै घिसार्दै लगेका थिए । उक्त घटनाको सीसीटीभी (CCTV) फुटेज बाहिरिएपछि प्रहरीले घटनाबारे थाहा पाएको थियो । सडकमै मानिस लतारेको फुटेज सहितको सूचना प्राप्त हुनासाथ इलाका प्रहरी कार्यालय बेथरी, प्रहरी चौकी रमवापुर र जिल्ला प्रहरी कार्यालय रुपन्देहीबाट प्रहरी निरीक्षकको कमाण्डमा विशेष टोली तत्कालै परिचालन गरिएको थियो । प्रहरी टोलीले प्रारम्भिक अनुसन्धान तथा खोजतलास तीव्र पारेपछि घटनाको भोलिपल्ट अर्थात् जेठ ११ गते संलग्न मध्येका एक जनालाई पक्राउ गर्न सफल भएको हो ।

पक्राउ पर्नेमा रुपन्देहीको मायादेवी गाउँपालिका वडा नं. ६ बस्ने २० वर्षीय अभिषेक पासी रहेका छन् । जिल्ला प्रहरी कार्यालय रुपन्देहीका सूचना अधिकारी एवं प्रहरी निरीक्षक दिनेश बहादुर कुँवरका अनुसार पासीलाई नियन्त्रणमा लिई 'अपहरण तथा ज्यान मार्ने उद्योग' मुद्दा शीर्षकमा रुपन्देही जिल्ला अदालतबाट पाँच दिनको म्याद थप गरेर हिरासतमा राखिएको छ । घटनामा अभिषेक पासीसँगै अन्य व्यक्तिहरूको पनि संलग्नता रहेको र उनीहरू हाल फरार रहेकाले खोजी कार्य तथा थप अनुसन्धान तीव्र रूपमा भइरहेको प्रहरी निरीक्षक कुँवरले जानकारी दिनुभएको छ ।

प्रतिक्रिया

ताजा समाचार

सबै







ट्रेन्डिङ

सबै







सम्बन्धित समाचार