लुम्बिनी । लुम्बिनी सांस्कृतिक नगरपालिकाले नेपाल स्ट्रिट प्रिमियर लिग (NSPL) को पहिलो संस्करणको विजेता लुम्बिनी राइडर्स टिमलाई २ लाख रुपैयाँ नगद पुरस्कारसहित सम्मान गरेको छ । नेपालमा पहिलो पटक आयोजना भएको एनएसपिएलमा ऐतिहासिक सफलता हासिल गरेकोमा लुम्बिनी सांस्कृतिक नगरपालिकाले लुम्बिनी राइडर्सका सम्पूर्ण टिमलाई बधाई तथा शुभकामना व्यक्त गरेको छ।
यो विजयले लुम्बिनी प्रदेशको गौरव बढाएको छ र सम्पूर्ण नेपाली खेलकुद क्षेत्रलाई नयाँ प्रेरणा र उत्साह प्रदान गरेको छ। नगरपालिकाले टिमको अनुशासन, एकता, मेहनत र उत्कृष्ट प्रदर्शनको उच्च प्रशंसा गर्दै आगामी दिनमा पनि खेलकुदको विकास, प्रगति र राष्ट्रिय गौरव अभिवृद्धिमा उल्लेखनीय योगदान पुगोस् भन्ने शुभेच्छा व्यक्त गरेको छ।
