मुख्य समाचार
कावासोतीमा यात्रुवाहक बस दुर्घटना हुँदा २५ जना घाइते | उदाउँदो सूर्यलाई अर्घ्य दिएसँगै चार दिवसीय छठ पर्व विधिवत् रूपमा सम्पन्न | साढे चार लाखभन्दा बढी मूल्यको अवैध चराको प्वाख र मोटरसाइकलसहित चालक नियन्त्रणमा | छठ पर्वले सामाजिक एकता र सहअस्तित्वको भावना बलियो बनाउँछः मुख्यमन्त्री आचार्य | आज छठ पर्वको मुख्य दिन: साँझ अस्ताउँदो सूर्यलाई अर्घ्य दिइँदै | छठ पर्वलाई लक्षित गर्दै नेपाल–भारत सीमा क्षेत्रमा सुरक्षा व्यवस्था कडा | रास्वपा र सरकारबिच विवाद छैन : सभापति लामिछाने | गागलफेदीस्थित होमस्टेबाट जुवा खेलिरहेको अवस्थामा ३७ जना पक्राउ | छठ पर्वको दोस्रो दिन आज खरना मनाइँदै | रास्वपा सभापति रवि लामिछानेको तीनदिने जनकपुर भ्रमण तालिका सार्वजनिक |
मुख्य समाचार
कावासोतीमा यात्रुवाहक बस दुर्घटना हुँदा २५ जना घाइते | उदाउँदो सूर्यलाई अर्घ्य दिएसँगै चार दिवसीय छठ पर्व विधिवत् रूपमा सम्पन्न | साढे चार लाखभन्दा बढी मूल्यको अवैध चराको प्वाख र मोटरसाइकलसहित चालक नियन्त्रणमा | छठ पर्वले सामाजिक एकता र सहअस्तित्वको भावना बलियो बनाउँछः मुख्यमन्त्री आचार्य | आज छठ पर्वको मुख्य दिन: साँझ अस्ताउँदो सूर्यलाई अर्घ्य दिइँदै | छठ पर्वलाई लक्षित गर्दै नेपाल–भारत सीमा क्षेत्रमा सुरक्षा व्यवस्था कडा | रास्वपा र सरकारबिच विवाद छैन : सभापति लामिछाने | गागलफेदीस्थित होमस्टेबाट जुवा खेलिरहेको अवस्थामा ३७ जना पक्राउ | छठ पर्वको दोस्रो दिन आज खरना मनाइँदै | रास्वपा सभापति रवि लामिछानेको तीनदिने जनकपुर भ्रमण तालिका सार्वजनिक |


‘अहिलेको माहोल हावाहुरी मात्रै हो, एक–दुई वर्ष कुर्नुस् जनता फेरि हामीतिरै फर्किन्छन्’

Ujyalosandeshonline 12676+ समाचार ( )
२४ फाल्गुन २०८२, आइतबार

काठमाडौं । जनमत पार्टीका अध्यक्ष डा. सीके राउतले भर्खरै सम्पन्न निर्वाचनको मत–परिणामलाई लिएर निराश नहुन आफ्ना नेता, कार्यकर्ता र शुभचिन्तकहरूलाई आग्रह गरेका छन्। देशभरकै नतिजा उस्तै प्रकृतिको रहेको भन्दै उनले यसलाई कुनै व्यक्ति, नेता वा पार्टीको कमजोरी नभई ‘विशेष परिस्थितिको उपज’का रूपमा लिनुपर्ने बताएका छन्।

सामाजिक सञ्जाल फेसबुकमार्फत आफ्नो धारणा सार्वजनिक गर्दै अध्यक्ष राउतले ठूला र ऐतिहासिक पृष्ठभूमि बोकेका दलहरूको अवस्था पनि अहिले उस्तै रहेको औंल्याएका छन्। ७०–८० वर्षदेखि स्थापित, बृहत् सांगठनिक संरचना भएका र लाखौं प्रशिक्षित सदस्य रहेका पार्टीहरूसहित मधेश आन्दोलन वा पार्टी एकताबाट आएका दलहरूले समेत चुनावमा समान नियति भोगेको उनको भनाइ छ।

जनताले दिएको जनादेशलाई सहर्ष स्वीकार गर्दै विजयी उम्मेदवारहरूलाई सरकार चलाउन दिनुपर्नेमा राउतले जोड दिएका छन्। चुनावको विषयलाई लिएर अनावश्यक विश्लेषण र बहसमा अल्झिनुको साटो संयमित हुन उनले निर्देशन दिएका छन्।"पार्टीभित्र वा बाहिर कसैमाथि पनि आरोप–प्रत्यारोप वा रुखो भाषा प्रयोग नगर्नुहोला," राउतले भनेका छन्, "आफ्नो गाउँ–ठाउँमा सबैसँग विनम्र भएर प्रस्तुत हुनुहोस्, मतदातालाई धन्यवाद दिनुहोस् र निरन्तर जनताको सेवामा लागिरहनुहोस्।"

वर्तमान राजनीतिक माहोललाई ‘हावाहुरी’को संज्ञा दिँदै अध्यक्ष राउतले यस्तो परिस्थिति स्थायी नहुने दाबी गरेका छन्। कार्यकर्तालाई धैर्य गर्न आग्रह गर्दै उनले लेखेका छन्, "एक–दुई वर्ष मात्रै कुर्नुहोस्, सबै कुरा छर्लङ्ग हुन्छ र फेरि जनता हामीतिरै आउँछन्।" स्पष्ट एजेन्डा र सिद्धान्तले मात्र राजनीतिलाई समाजमा चिरकालसम्म जीवित राख्ने भन्दै उनले परिस्थितिजन्य नतिजाबाट अलिकति पनि विचलित नहुन सम्पूर्ण पङ्क्तिलाई अपिल गरेका छन्।

प्रतिक्रिया

ताजा समाचार

सबै







ट्रेन्डिङ

सबै







सम्बन्धित समाचार