बर्दिया । बर्दियाको बारबर्दिया नगरपालिकाका इन्जिनियर मोहन देव मल्ल एक लाख ५० हजार रुपैयाँ घुससहित पक्राउ परेका छन् । नगरपालिकाको भवन तथा बस्ती विकास शाखामा कार्यरत मल्लले वडा नं. ७ स्थित जनता माध्यमिक विद्यालय रम्भापुरको ४ कोठे भवन निर्माणको अन्तिम बिल भुक्तानीमा सहजीकरण गरिदिने भन्दै सेवाग्राहीसँग घुस लिएका थिए ।
अख्तियार दुरुपयोग अनुसन्धान आयोगको बुटवल सम्पर्क कार्यालय नेपालगञ्जबाट खटिएको टोलीले मल्ललाई सेवाग्राहीबाट घुस लिइसकेको अवस्थामा नियन्त्रणमा लिएको हो । आयोगका प्रवक्ता सुरेश न्यौपानेका अनुसार घुससहित रंगेहात पक्राउ परेका मल्लमाथि थप अनुसन्धान भइरहेको छ ।
राम्रो भयो अझै छन् १२ बर्दियामा भ्रष्टाचारीहरू उनीहरुलाई पनि सत्य तथ्य चेक जाँच गरी छापा हान्नुपर्यो सबै निकायहरूमा स्कुल होस् चाहे हस्पिटल