गुल्मी । गुल्मीमा पहिरोले घर पुरिदा पाँच जनाको ज्यान गएको छ । जिल्लाको मालिका गाउँपालिका–६ कडेलपाटामा भेष बहादुर कामीको ढुङ्गा माटोले बनेको २ तले टिनले छाएको घरमा माथिबाट पहिरो आई घर पुर्ण रुपमा पुरिदा घरमा रहेका ५ जनाको घटनास्थलमै ज्यान गएको जिल्ला प्रहरी कार्यालय गुल्मीले जनाएको छ ।
मृत्यु हुनेहरुमा ५५ वर्षीय भेष बहादुर कामी, उनकी बुहारी २६ की सीता बि.क., नातिनिहरु ८ बर्षीय सपना बि.क., ८ महिनाकी बिपना बि.क र उनकी श्रीमती ४८ वर्षीय सुन्तली कामी रहेको जिल्ला प्रहरी कार्यालय गुल्मीका प्रहरी नायब उपरीक्षक तथा सूचना अधिकारी शंकर पोखरेलले जानकारी दिनुभयो ।
