मर्चवार । कुष्ठरोग तथा क्षयरोग पड्ताल अभियानमा संलग्न मर्चवारी गाँउपालिकाका स्वास्थ्यकर्मी तथा ६६ जना महिला सामुदायिक स्वास्थ्य स्वयंसेविकालाई कुष्ठरोग तथा क्षयरोग सम्बन्धी अभिमुखीकरण प्रदान गरिएको छ ।
मर्चवारी गाउपालिका, फेरमेड/इन्द्रेणी ग्रामिण विकास केन्द्र, बुटवलको संयुक्त साझेदारीमा कुष्ठरोग तथा क्षयरोग खोज पड्ताल अभियान २०८१ अन्तरगत उनिहरुलाइ अभिमुखीकरण गरिएको हो । अभियान संचालन गर्नुको कारण, उद्देश्य, अभियानको रुपरेखा, कार्ययोजनाको बारेमा छलफल गर्न कार्यक्रम गरिएको मर्चवारी गाँउपालिका स्वास्थ्य शाखा प्रमुख फेकन साहले जानकारी दिए ।
स्वास्थ्य शाखा प्रमुख साहको अध्यक्षता, स्वास्थ्य कार्यालयका प्रमुख चिन्तामणि ज्ञवालीको प्रमुख आतिथ्यतामा सम्पन्न कार्यक्रममा स्वास्थ्य कार्यालयका वरिष्ठ क्षय कुष्ठ निरिक्षक टीकाराम अधिकारी फेरमेडका टिम लिडर शशिदेव कर्ण, इन्द्रेणी ग्रामिण विकास केन्द्रका किरण श्रेष्ठद्वारा सहजीकरण गरिएको थियो ।
उक्त कार्यक्रममा स्वास्थ्य कार्यालयका लेखा अधिकृत प्रदिप लम्साल,इन्द्रेणी ग्रामिण विकास केन्द्रका फिल्ड सुपरभाइजर अलाउद्दीन खानको उपस्थिति रहेको थियो ।
कार्यक्रम रायपुर प्राथमिक स्वास्थ्य केन्द्रका प्रमुख राकेश प्रसाद यादवले स्वागत मन्तव्य राखेका थिए भने मर्चवारी गाँउपालिकाका सि.अ.हे.व.पुरुषोतम घिमिरेले संचालन गरेका थिए । खोज पड्ताल अभियान ७ वटै वडामा यही मंसिर १३ गतेबाट प्रारम्भ भई २३ गतेसम्म संचालन हुनेछ ।
