कञ्चन । रुपन्देहीको कञ्चन–४ स्थित कृष्टल क्राउन रिसोर्टमा आयोजित ‘कञ्चन लाइभ कन्सर्ट’ मा चर्चित गायक अर्जुन सापकोटाले दर्शकलाई भरपुर मनोरञ्जन दिलाएका छन्। एस के स्टाइल क्रिएसनको आयोजनामा भएको उक्त कन्सर्टमा सापकोटाले ‘झलिको तिम्रो याद’, ‘चोली फाट्यो’, ‘जोवान ढल्क्यो’ लगायतका दर्जन बढी हिट गीत गाउँदा उपस्थित २ हजारभन्दा बढी दर्शक मध्यरात १२ बजेसम्म झुमेका थिए ।
कन्सर्टमा गायक सापकोटासँगै नारायण विपी परियार, बसन्ता खनाल, राजेश भण्डारी लगायतका कलाकारले पनि सांगीतिक प्रस्तुति दिएका थिए। कार्यक्रमको दोस्रो दिन (आज) चर्चित गायिका ज्योति मगर, बसन्ता खनाल, रितु शाही, र्यापर मिस्टर पाण्डे लगायतको विशेष प्रस्तुति रहने इभेन्ट डाइरेक्टर साहिल के.सी.ले जानकारी दिएका छन् ।
