कपिलवस्तु । करिब तीन दशकदेखि शिक्षण क्षेत्रमा क्रियाशील रहँदै आएका सच्चिदानन्द त्रिपाठीले कपिलवस्तु जिल्लाको प्रतिष्ठित शैक्षिक संस्था कपिलवस्तु बहुमुखी क्याम्पसको सञ्चालन समिति अध्यक्ष पदमा उम्मेदवारी घोषणा गरेका छन ।
क्याम्पसको यही बैशाख २७ गते हुने निर्वाचनलाई लक्षित गर्दै त्रिपाठीले हिजो आयोजित बन्द सत्रमा आफ्नो उम्मेदवारी औपचारिक रूपमा सार्वजनिक गरेका हुन् । उहाँ शुद्धोधन गाउँपालिका–१ मा रहेको सनलाइट इङ्ग्लिश बोर्डिङ स्कूलका सञ्चालक समेत हुन् ।
त्रिपाठीले शिक्षण पेसामा प्राप्त अनुभव र व्यवस्थापन क्षमतालाई आधार बनाउँदै आफू क्याम्पसको नेतृत्व गर्न सक्षम रहेको दाबी गरेका छन् । उहाँले क्याम्पसको सुधार, पारदर्शिता, प्राविधिक शिक्षा सञ्चालन, न्यून शुल्कमा गुणस्तरीय पठनपाठन, र नियमित तलब व्यवस्थापनजस्ता ११ बुँदे एजेन्डा सार्वजनिक गरेका छन् ।
उहाँका अनुसार:
१.त्रिपाठी स्नातकोत्तर तहसम्म अध्ययन गरिसकेका छन् ।
२.शिक्षण पेशामा करिब ३० वर्षको निरन्तर अनुभव राख्छन्।
३.शिक्षण नै मुख्य व्यवसाय बनाएका छन् ।
४.उहाँको छवि गैरराजनीतिक र स्वच्छ रहेको छ।
५.शैक्षिक संस्थाको व्यवस्थापनमा अनुभवी छन्।
६.नि:स्वार्थ समाजसेवी भावना बोकेका छन्।
७.क्याम्पसको पुनरुत्थान र सुधारमा दृढ छन्।
८.प्राविधिक शिक्षा सुरु गर्ने योजना अघि सारेका छन्।
९.न्यून शुल्कमा शिक्षाको पहुँच पुर्याउने सोच छ।
१०.प्राध्यापक, कर्मचारीको नियमित तलब सुनिश्चित गर्ने अठोट छ।
११.क्याम्पसलाई विशुद्ध शैक्षिक थलो बनाउन चाहन्छन्।
उहाँको उम्मेदवारीसँगै क्याम्पसमा प्रतिस्पर्धा चर्किएको छ भने विद्यार्थी, अभिभावक र शैक्षिक वृत्तमा नयाँ नेतृत्वप्रति अपेक्षा पनि बढेको देखिएको छ।
