काठमाडौं । राष्ट्रवादी केन्द्र नेपालका केन्द्रीय अध्यक्ष चन्द्र बहादुर थापा (सागर) ले नेपाल छिमेकी राष्ट्रमा निर्भर भएको बताएका छन् ।मंगलबार काठमाडौंमा आयोजित अन्तरक्रिया कार्यक्रममा उनले नेपाल विदेशी उत्पादनमा निर्भर भएको भन्दै यस्तो अवस्थाको अन्त्यका लागि देशभित्रै उत्पादनको वातावरण बनाएर उत्पादन वृद्धि गर्नुपर्ने बताए ।
उनले भने, ‘आज हामी छिमेकी राष्ट्रमा यति निर्भर भइसकेका छौ, बाहिरबाट कपडा नआए लगाउने लुगा हुदैंन । खाद्यन्न नआए खानलाई केही हुँदैन । हाम्रो घरेलु उत्पादनलाई बढाउने हो भने यस्तो अवस्थाबाट मुक्त हुन सक्छौ । साथै हामीले देशभित्रै उत्पादनको वातावरण बनाएर उत्पादन वृद्धि गर्नुपर्छ ।’
यस्तै, नेपालमा राजनीतिक दल र व्यवस्था फेल भएको भन्दै त्यसको परिणाम स्वरुप नेपालका युवाहरु देशमा भविष्य नदेखेर विदेशिएको उनको भनाइ छ । उनले गिरीबन्धु टी स्टेट जग्गा प्रकरणको सन्दर्भमा पनि कुरा उठाउँदै सरकारले यसका बारेमा छानबिन गरेर कारबाही गर्नुपर्ने बताए ।
