भैरहवा । भैरहवामा आयोजना गर्न लागिएको भैरहवा खाना महोत्सव एवं सांगीतिक साँझ स्थगित गरिएको छ। ४५ औँ विश्व पर्यटन दिवस र संस्थाको १८ औँ स्थापना दिवसको अवसरमा सिद्धार्थ होटल संघ नेपाल(शान) द्धारा दुई दिने असोज ११ र १२ गते कार्यक्रमको आयोजना गर्न लागिएको थियो।
जसको सम्पूर्ण तयारी समेत भइसकेको अवस्थामा निरन्तर वर्षाका कारण कार्यक्रम स्थगित गरी कार्यक्रमको मिति सार्नु परेको कार्यक्रम संयोजक विनोद खरेलले जानकारी दिए।‘वर्षाका कारण आज र भोली कार्यक्रम गर्न असमर्थ भएका छौँ’,शुक्रवार संघले जारी गरिएको सूचनामा भनिएको छ, ‘उक्त कार्यक्रम अर्को हप्ता शुक्रवार र शनिवार (असोज १८ र १९) गतेमा सारिएको छ ।’ उक्त दिन कार्यक्रम भैरहवा देवकोटा चोक क्षेत्रमा साँझ ५ बजेदेखि संचालन हुने आयोजकले जनाएका छन्।
