पाल्पा । पाल्पाको रामपुर नगरपालिका–७ तुरुङदी खोलास्थित कालीगण्डकी करिडोर सडकखण्डमा भएको मोटरसाइकल दुर्घटनामा बगनासकाली गाउँपालिका–९ बस्ने २८ वर्षीय अर्जुन विकको मृत्यु भएको छ ।लु१३प ८६३५ नम्बरको मोटरसाइकल र विपरीत दिशातर्फबाट आइरहेको लु७७प ४५०५ नम्बरको मोटरसाइकल एकापसमा ठोक्किएर दुर्घटना भएको हो ।
दुर्घटनामा लु१३प ८६३५ नम्बरको मोटरसाइकल पछाडि सवार विकको रामपुर अस्पतालमा उपचारका क्रममा मृत्यु भएको जिल्ला प्रहरी कार्यालयले जनाएको छ । लु१३प ८६३५ नम्बरको मोटरसाइकलका चालक ५१ वर्षीय विष्णुप्रसाद विक, लु७७प ४५०५ नम्बरको मोटरसाइकलका चालक २९ वर्षीय विवेक भट्टराई र सोही मोटरसाइकलमा पछाडि सवार २८ वर्षीय दीपक पाण्डे घाइते भएका छन् । घाइतेहरूको रामपुर अस्पतालमा उपचार भइरहेको छ। प्रहरीले दुर्घटनाबारे थप अनुसन्धान गरिरहेको छ ।
