काठमाडौं । दुर्गा प्रसाईं भक्तपुरस्थित आफ्नै निवासबाट पक्राउ परेका छन् । उनलाई जिल्ला प्रहरी परिसर काठमाडौं र काठमाडौं उपत्यका अपराध अनुसन्धान कार्यालयको टोलीले सोमबार मध्यरातमा पक्राउ गरेको हो ।
प्रहरी स्रोतका अनुसार, हिंसा भड्किने गरी अराजक गतिविधि गर्न अभिव्यक्ति दिएको आरोपमा उनी पक्राउ परेका हुन् । यसअघि १५ चैतको हिंसात्मक आन्दोलनपछि पक्राउ परेका प्रसाईं अदालतको आदेशपछि छुटेका थिए । प्रसाईं बैंकबाट लिएको ऋण मिनाहा गरिदिनुपर्ने लगायतका माग राख्दै आन्दोलनको तयारीमा थिए ।
