भैरहवा । पूर्वराजा ज्ञानेन्द्र शाह अहिले आफ्नो धार्मिक एवम सांस्कृतिक भ्रमणका क्रममा भैरहवामा रहेका छन् । यहिबाट उनले कपिलवस्तु, पश्चिम नवलपरासी एवम रुपन्देहीका बिभिन्न धार्मिक स्थलहरुको दर्शन अवलोकन एवम भ्रमण गर्ने कार्यक्रम रहेको छ ।
नागरिक अभिनन्दन समारोह समितिले मंगलबार भैरहवामा पत्रकार सम्मेलनको आयोजना गरि पूर्वराजाको भ्रमण कार्यक्रमबारे जानकारी गराएको छ । नागरिक अभिनन्दन समारोह समितिका संयोजक डा. राम प्रसाद बस्यालका अनुसार पुस १४ गते पूर्वराजा शाह कपिलवस्तु पुग्नेछन् । औपचरिक कार्यक्रम नरे पनि त्यस क्षेत्रमा रहेका बिभिन्न धार्मिक स्थलहरुको दर्शन एवम अवलोकन गर्ने कार्यक्रम रहेको बस्यालले जानकारी दिए । यस्तै पुस १७ गते नवलपरासी (बर्दघाट सुस्ता पश्चिम) को कार्यक्रम रहेको उनले बताए ।
यस बिच रुपन्देहीमै रहेको निलकण्ठधाम, दर्बाहा मन्दिर, बुटवलको शिव मन्दिर, जितगढी, शुद्धोधनको शिवाहा मन्दिर लगायतको धार्मिक स्थलहरुको पनि अवलोकन गर्ने कार्यक्रम रहेको छ ।
पुस १९ गते भैरहवाको शुगरमिलमा राजाको नागरिक अभिनन्दन गर्ने कार्यक्रम रहेको संयोजक बस्यालले जानकारी दिए ।
