भैरहवा । जारी प्रधानमन्त्री कप क्रिकेट प्रतियोगितामा बागमती प्रदेशले सुदूरपश्चिमलाई २७६ रनको लक्ष्य दिएको छ । रुपन्देहीको एक्स्ट्राटेक ओभल क्रिकेट रङ्गशालामा टस जितेर ब्याटिङ रोजेको बागमतीले आशुतोष घिरैया र शुभ कंसाकारको अर्धशतकको सहयोगमा ५० ओभर पुरा खेल्दै ८ विकेटको क्षतिमा २६६ रनको मध्यम योगफल तयार गरेको छ ।
१०१ बल खेलेका ओपनर आशुतोषले ५ चौकाको सहयोगमा ५८ रन बनाए भने ६८ बल सामना गरेका शुभ कंसाकारले ५ चौका र ४ छक्काको सहयोगमा ७७ रन बनाए । यसै गरि बागमतीका लागि ईशान पाण्डे ३६ रन, पृथु बास्कोट र प्रतिस जिसीले समान १५÷१५ रनको व्यक्तिगत गोगदान गरे ।
बलिङमा सुदूरका हेमन्त धामी, शेर मल्ल र सुर्य श्रेष्ठले समान २÷२ विकेट लिदा नारायण जोशी र राहुल भण्डारीको १÷१ विकेट रह्यो ।
