धकधई । रुपन्देहीको रोहिणी गाउँपालिका वडा नम्बर ३, धकधईमा अवस्थित सरस्वती थर्क बहादुर रायमाझी सेवा फाउन्डेसनको आठौँ वार्षिक साधारण सभा सम्पन्न भएको छ। फाउन्डेसनका अध्यक्ष थर्क बहादुर रायमाझीको सभापतित्वमा आयोजना गरिएको उक्त सभामा प्रमुख अतिथिको रूपमा प्रदेश सभा सदस्य आशीष चौधरीको उपस्थिति रहेको थियो।
कार्यक्रममा विशिष्ट अतिथिको आसनबाट बोल्दै रोहिणी गाउँपालिका वडा नम्बर ३ का वडा अध्यक्ष वीरबहादुर क्षेत्रीले फाउन्डेसनले समाजमा पुर्याएको योगदानको प्रशंसा गर्नुभयो। साधारण सभामा अतिथिहरु तारानाथ त्रिपाठी, सबिर अलि पठान, कान्छा कहाँर, अनिल कौशल, विजय कौशल, रविन्द्र सिंह प्रधान, कृष्ण चन्द्र मिश्रा र राम केवल बिन्द लगायतको उपस्थिति रहेको थियो।
सभामा फाउन्डेसनका आजीवन सदस्यहरूका साथै कार्यसमितिका पदाधिकारीहरूको सहभागिता रहेको थियो। संस्थाको प्रगति र भावी योजनाहरूका बारेमा छलफल गरिएको उक्त कार्यक्रमको सञ्चालन सञ्जय कौशलले गर्नुभएको थियो। विभिन्न सामाजिक व्यक्तित्वहरूको उपस्थितिमा सम्पन्न यस सभाले फाउन्डेसनको आगामी कार्यदिशा तय गर्दै सफलतापूर्वक समापन भएको छ।
