मुख्य समाचार
कावासोतीमा यात्रुवाहक बस दुर्घटना हुँदा २५ जना घाइते | उदाउँदो सूर्यलाई अर्घ्य दिएसँगै चार दिवसीय छठ पर्व विधिवत् रूपमा सम्पन्न | साढे चार लाखभन्दा बढी मूल्यको अवैध चराको प्वाख र मोटरसाइकलसहित चालक नियन्त्रणमा | छठ पर्वले सामाजिक एकता र सहअस्तित्वको भावना बलियो बनाउँछः मुख्यमन्त्री आचार्य | आज छठ पर्वको मुख्य दिन: साँझ अस्ताउँदो सूर्यलाई अर्घ्य दिइँदै | छठ पर्वलाई लक्षित गर्दै नेपाल–भारत सीमा क्षेत्रमा सुरक्षा व्यवस्था कडा | रास्वपा र सरकारबिच विवाद छैन : सभापति लामिछाने | गागलफेदीस्थित होमस्टेबाट जुवा खेलिरहेको अवस्थामा ३७ जना पक्राउ | छठ पर्वको दोस्रो दिन आज खरना मनाइँदै | रास्वपा सभापति रवि लामिछानेको तीनदिने जनकपुर भ्रमण तालिका सार्वजनिक |
मुख्य समाचार
कावासोतीमा यात्रुवाहक बस दुर्घटना हुँदा २५ जना घाइते | उदाउँदो सूर्यलाई अर्घ्य दिएसँगै चार दिवसीय छठ पर्व विधिवत् रूपमा सम्पन्न | साढे चार लाखभन्दा बढी मूल्यको अवैध चराको प्वाख र मोटरसाइकलसहित चालक नियन्त्रणमा | छठ पर्वले सामाजिक एकता र सहअस्तित्वको भावना बलियो बनाउँछः मुख्यमन्त्री आचार्य | आज छठ पर्वको मुख्य दिन: साँझ अस्ताउँदो सूर्यलाई अर्घ्य दिइँदै | छठ पर्वलाई लक्षित गर्दै नेपाल–भारत सीमा क्षेत्रमा सुरक्षा व्यवस्था कडा | रास्वपा र सरकारबिच विवाद छैन : सभापति लामिछाने | गागलफेदीस्थित होमस्टेबाट जुवा खेलिरहेको अवस्थामा ३७ जना पक्राउ | छठ पर्वको दोस्रो दिन आज खरना मनाइँदै | रास्वपा सभापति रवि लामिछानेको तीनदिने जनकपुर भ्रमण तालिका सार्वजनिक |


धनराज गुरुङले गरे गृहमन्त्री लामिछानेमाथि संसद्को कारबाही माग

Ujyalosandeshonline 12676+ समाचार ( )
७ जेठ २०८१, सोमबार

काठमाडौं । कांग्रेस सांसद धनराज गुरुङले सभामुख देवराज घिमिरेलाई पत्र लेख्दै उपप्रधानमन्त्री एवं गृहमन्त्री रवि लामिछानेमाथि कारबाहीको माग गरेका छन् । तथ्यहीन र आधारहीन कुरा गरेर कांग्रेस सांसदहरुको मानमर्दन गरेकाले  लामिछानेमाथि कारबाही हुनुपर्ने भन्दै उनले पत्र लेखेका हुन् । 

सहकारीको रकम अपचलन आरोपमा मन्त्री लामिछानेविरुद्ध छानबिन गर्न कांग्रेसले संसदीय समिति गठनको माग गर्दै आएको छ । उक्त आरोपका सन्दर्भमा सफाइ दिन प्रतिनिधि सभाको आइतबारको बैठकमा मन्त्री लामिछानेलाई सभामुखले बोल्ने समय दिएका थिए । आफ्नो सफाइ पेस गर्ने क्रममा लामिछानेले सञ्चारमाध्यमले लेखेका भरमा व्यक्ति केन्द्रित समिति गठन गर्नुको औचित्य नभएको बताएका थिए । संसदमा उनले आफू निर्दोष रहेको बताइरहँदा प्रतिपक्षका धेरै नेताहरु विभिन्न काण्डमा मुछिएको समाचारहरु आएको भन्दै आक्षेप लगाएका थिए । 

लामिछानेले ‘रोष्ट्रमबाट तथ्यहीन, आधारहीन कुरा गरि नेपाली कांग्रेसका प्रतिनिधि सभाका सदस्यहरु माथि मानमर्दन गर्न खोजेको, हुँदै नभएको कुरालाई बढाइचढाइ गरेर आम नागरिकलाई भ्रममा पार्न खोजेको, अदालतले गरेको फैसलामाथि धावा बोलेको, अदालतको निर्णयको वर्खिलाप गरि अदालतको समेत अवहेलना गरेको, अदालतवाट सफाई पाइसकेका रातो कूटनीतिक पासपोर्टको विषयलाई तोडमोड गरि प्रस्तुत गरि आम नागरिकबीच भ्रम सृजना गर्न खोजेको’ गुरुङको पत्रमा छ । 

‘आफूलाई अदालतभन्दा माथि राखी अभिव्यक्ति दिएको व्यहोरा स्मरण गराउन चाहन्छु । उहाँले बोलेका कुराहरुको अडियो तथा भिडियो प्रतिनिधि सभा सचिवालयमा सुरक्षित रहेको पनि होला । देशको गृहमन्त्रीले अनैतिकरुपमा तथ्यहीन कुरा गर्दा संसदको अवहेलना हुन पुगेको छ,’ उनको पत्रमा छ, ‘उहाँले बोलेको कुराहरु पुष्टि गर्न म उहाँलाई चुनौती दिन चाहन्छु । यदि पुष्टि नभएमा उहाँमाथि कारबाही गर्न माग गर्दछु ।’

प्रतिनिधि सभा नियमावलीको नियम २१९ मा सभाका सदस्यले पालना गर्नुपर्ने आचरण पनि गृहमन्त्री लामिछानेले पालना नगरेको गुरुङले उल्लेख गरेका छन् । उनले लामिछानेलाई संसदको अवहेलनामा कारबाही गर्न माग गरेका छन् ।  लामिछानेले रोष्ट्रमबाट कूटनीतिक राहदानी दुरुपयोग गरेको भन्ने आरोपको सम्वन्धमा सर्वोच्च अदालतको २०६४ असोज २४ को फैसला प्रतिलिपि पनि  निवेदनका साथ संलग्न गरेका छन् ।


प्रतिक्रिया

ताजा समाचार

सबै







ट्रेन्डिङ

सबै







सम्बन्धित समाचार