भैरहवा । दशौं अन्तराष्ट्रिय योग दिवसको अवसरमा धकधईमा पनि योग शिविर सञ्चालन भएको छ । रामनरेश यादव आदर्श नमूना माध्यमिक विद्यालयको आयोजनामा शुक्रबार एक दिने शिविर सम्पन्न भएको हो ।
“गरौ योग रहौ निरोग“ भन्ने नारा सहित अन्तर्राष्ट्रिय योग दिवसको अवसरमा आयोजित शिविरमा अन्तराष्ट्रिय योग शिक्षिका ललिता चौधरीले प्रशिक्षण दिएकी थिईन । योगमा स्वर्णपदक विजेता उनले भैरहवामा ललिता योग केन्द्र सञ्चालन गर्दै आएकी छिन ।
योग भनेको जोडिनु र जोडनु रहेको हुदा योगको मार्फतबाट विश्व नै एक आपसमा जोडिने मौका पाएको उनले बताईन । उनले बालबालिकाहरुलाई अनुशासन सिकाउन योगको महत्वपूण भूमिका रहेको हुदा बालबालिका देखि वृद्ध सम्मलाई योग आवश्यक रहेको बताईन । योग शारिरीक तथा मानसिक अवश्थालाई आराम दिन योग महत्वपूर्ण भूमिका रहेको उनले बताईन ।
यस्तै रोहिणी योग केन्द्रका सञ्जय कौशलले योगले निरोगी बनाउने हुदा नित्य योग गरिरहनु पर्ने बताए । उनले जिवनलाई स्वास्थ्य र सार्थक बनाएको बताए । उनले रोहिणी योग केन्द्रको सहजीकरणमा निशुल्क रुपमा दैनिक योग कक्षाहरु सञ्चालन भई रहेको जानकारी समेत दिए ।
योग शिविरमा बिद्यालयका व्यवस्थापन समिति, शिक्षक, शिक्षिका, स्थानिय समेत गरि पचास जना भन्दा बढीको उपस्थिति रहेको थियो ।
