परासी । पश्चिम नवलपरासीको जिल्ला सदरमुकाम परासीमा औद्योगिक व्यापार मेलाको आयोजना गरिएको छ । उद्योग वाणिज्य संघ नवलपरासीको आयोजनामा हुने मेला फागुन १६ देखि ३० गतेसम्म सञ्चालन हुने छ ।
मेलाबारे जानकारी दिन बुधवार परासीमा आयोजित पत्रकार सम्मेलनमा संघका अध्यक्ष ओमप्रकाश अग्रहरीले व्यापार मेलामा कृषि, पर्यटन र उद्योग क्षेत्रको प्रर्वद्धन गर्दे यस क्षेत्रको व्यापार प्रर्वद्धन गर्ने मुख्य उदेश्य रहेको जानकारी दिए । मेलाले पुरातात्विक तथा ऐतिहासिक धार्मिक स्थल रामग्राम स्तुप, पण्डितपुर लगायत विभिन्न स्थलहरुको थप प्रर्वद्धन गर्न मेला सहयोगी हुने विश्वास लिईएको अग्रहरीले बताए ।
मेलामा सूचना प्रविधिको प्रदर्शनी, सहित यस क्षेत्रको विकास तथा व्यापार प्रर्वद्धनका सवालमा विभिन्न सेमिनार तथा अन्तरक्रिया कार्यक्रम पनि आयोजना गरिएको उपाध्यक्ष गिरीराज पाण्डेले बताए ।
