मुख्य समाचार
कावासोतीमा यात्रुवाहक बस दुर्घटना हुँदा २५ जना घाइते | उदाउँदो सूर्यलाई अर्घ्य दिएसँगै चार दिवसीय छठ पर्व विधिवत् रूपमा सम्पन्न | साढे चार लाखभन्दा बढी मूल्यको अवैध चराको प्वाख र मोटरसाइकलसहित चालक नियन्त्रणमा | छठ पर्वले सामाजिक एकता र सहअस्तित्वको भावना बलियो बनाउँछः मुख्यमन्त्री आचार्य | आज छठ पर्वको मुख्य दिन: साँझ अस्ताउँदो सूर्यलाई अर्घ्य दिइँदै | छठ पर्वलाई लक्षित गर्दै नेपाल–भारत सीमा क्षेत्रमा सुरक्षा व्यवस्था कडा | रास्वपा र सरकारबिच विवाद छैन : सभापति लामिछाने | गागलफेदीस्थित होमस्टेबाट जुवा खेलिरहेको अवस्थामा ३७ जना पक्राउ | छठ पर्वको दोस्रो दिन आज खरना मनाइँदै | रास्वपा सभापति रवि लामिछानेको तीनदिने जनकपुर भ्रमण तालिका सार्वजनिक |
मुख्य समाचार
कावासोतीमा यात्रुवाहक बस दुर्घटना हुँदा २५ जना घाइते | उदाउँदो सूर्यलाई अर्घ्य दिएसँगै चार दिवसीय छठ पर्व विधिवत् रूपमा सम्पन्न | साढे चार लाखभन्दा बढी मूल्यको अवैध चराको प्वाख र मोटरसाइकलसहित चालक नियन्त्रणमा | छठ पर्वले सामाजिक एकता र सहअस्तित्वको भावना बलियो बनाउँछः मुख्यमन्त्री आचार्य | आज छठ पर्वको मुख्य दिन: साँझ अस्ताउँदो सूर्यलाई अर्घ्य दिइँदै | छठ पर्वलाई लक्षित गर्दै नेपाल–भारत सीमा क्षेत्रमा सुरक्षा व्यवस्था कडा | रास्वपा र सरकारबिच विवाद छैन : सभापति लामिछाने | गागलफेदीस्थित होमस्टेबाट जुवा खेलिरहेको अवस्थामा ३७ जना पक्राउ | छठ पर्वको दोस्रो दिन आज खरना मनाइँदै | रास्वपा सभापति रवि लामिछानेको तीनदिने जनकपुर भ्रमण तालिका सार्वजनिक |


वडामै गएर राष्ट्रिय परिचयपत्रको विवरण सङ्कलन तथा वितरण गरिने

Ujyalosandeshonline 12676+ समाचार ( )
९ भाद्र २०८२, सोमबार

रामेछाप । रामेछापको एक मात्र हिमाली स्थानीय तह उमाकुण्ड गाउँपालिकामा नागरिकलाई वडामा नै पुगेर राष्ट्रिय परिचयपत्र विवरण सङ्कलन र कार्ड वितरण गरिने भएको छ । जिल्ला प्रशासन कार्यालय रामेछाप र गाउँपालिकाको आयोजनामा सो कार्य हुन लागेको हो । 

यसअघि विवरण सङ्कलन गरी जिल्ला प्रशासन कार्यालयमा आएर बसेका परिचयपत्र लिन आउन तथा नयाँ परिचयपत्रको लागि विवरण र फोटो खिचाउन स्थानीयलाई जिल्ला प्रशासन कार्यालय आउनु नपरोस् भनी गाउँमा नै गएर सो काम गर्न लागिएको प्रमुख जिल्ला अधिकारी श्यामकृष्ण थापाले जानकारी दिए । 

‘यसअघि बनेका धेरै राष्ट्रिय परिचयपत्र जिल्ला प्रशासन कार्यालयमा आएर थन्किएका छन्, ती परिचयपत्र पनि गाउँमा नै लगेर वितरण गरिदिन्छौँ, नयाँ बनाउनु पर्नेको पनि विवरण सङ्कलन गरेर ल्याउँछौँ, यसले कार्यालयमा हुने भिड पनि कम हुन्छ, नागरिकको खर्च र सास्ती पनि कम हुन्छ’, थापाले भने । 

उमाकुण्ड गाउँपालिकाले दिएको जानकारी विवरण सङ्कलन र परिचयपत्र वितरण सो गाउँपालिकाको सबै वडामा सञ्चालन हुनेछ । वडा कार्यालयहरूमा सेवा सञ्चालन हुने गाउँपालिकाले जनाएको छ । 

कार्यतालिका अनुसार भदौ १७ गते वडा नं ७ को कार्यालय भुजीमा, भदौ १८ गते वडा नं ६ गुप्तेश्वर वडा कार्यालयमा, भदौ १९ गते वडा नं ४ च्यादोलु वडा कार्यालयमा, भदौ २० गते वडा नं ५ प्रीति वडा कार्यालयमा, भदौ २१ गते वडा नं ३ कुबुकास्थली वडा कार्यालयमा कार्यक्रम हुनेछ ।

त्यसैगरी भदौ २२ गते वडा नं २ बाम्ती भण्डार वडा कार्यालयमा तथा भदौ २३ गते वडा नं १ गुम्देल वडा कार्यालयमा विवरण सङ्कलन तथा कार्ड वितरण कार्यक्रम सञ्चालन गरिनेछ । गाउँपालिकाले तोकिएको मिति र स्थानअनुसार आफ्ना वडामा पुगेर स्थानीयवासीलाई विवरण दर्ता गराउन आग्रह गरेको छ ।

त्यसैगरी यस अघि जिल्ला प्रशासन कार्यालयमा परिचयपत्रका लागि विवरण बुझाएर कार्ड आएका स्थानीयले वडा कार्यालयमा हुने शिविरबाट कार्ड लिन सक्ने गाउँपालिकाले जनाएको छ । यस कार्यक्रम ले दुर्गम गाउँका बासिन्दालाई परिचयपत्र सेवामा सहज पहुँच उपलब्ध गराउने अपेक्षा गरिएको छ । देशको अन्य कुनै जिल्लामा पनि यो कार्यक्रम सञ्चालन नभएको भए पनि स्थानीय समस्यालाई हेरेर यो काम गरिएको प्रमुख जिल्ला अधिकारी थापाले बताए ।

प्रतिक्रिया

ताजा समाचार

सबै







ट्रेन्डिङ

सबै







सम्बन्धित समाचार