भैरहवा । रुपन्देही नागरिक समाजको अध्यक्षमा समाजसेवी एवं पर्यटन व्यवसायी अमित कुमार गुप्ता निर्वाचित भएका छन् । तिलोत्तमा नगरपालिकास्थित भलवारीमा सम्पन्न भएको समाजको छैठौं साधारण सभा तथा तेस्रो अधिवेशनले अध्यक्षमा गुप्तासहित ९ सदस्यीय कार्यसमिति सर्वसम्मत निर्वाचित भएको हो ।
समाजको वरिष्ठ उपाध्यक्षमा शारदा पोखरेल, उपाध्यक्षमा कल्पना अर्याल, महासचिवमा दीपक के.सी., सचिवमा तुलसा शर्मा वाग्ले र कोषाध्यक्षमा ईश्वरी प्रसाद पाण्डे निर्वाचित भएको निर्वाचन अधिकृत अधिवक्ता दिलिप कुमार मल्लिकले बताए । त्यस्तै सदस्यहरुमा नरेन्द्र क्षेत्री, शेर बहादुर काफ्ले र अरुण कुमार श्रेष्ठ निर्वाचित भएका छन् ।
रुपन्देही नागरिक समाजको अध्यक्ष ईश्वर प्रसाद चापागाईंको अध्यक्षता, सर्वोच्च अदालतका पूर्व न्यायाधिश तेज बहादुर के.सी.को प्रमुख आतिथ्यता, रुपन्देहीका सहायक प्रमुख जिल्ला अधिकारी चिरञ्जिवी राना, राष्ट्रिय मानव अधिकार आयोग लुम्बिनी प्रदेश कार्यालयका प्रमुख हरि ज्ञवाली, प्रमुख निर्वाचन अधिकृत अधिवक्ता दिलिप कुमार मल्लिक लगायतको उपस्थितीमा सम्पन्न भएको कार्यक्रममा समाजका वरिष्ठ उपाध्यक्ष श्रीराम गुप्ताको स्वागत र सचिव तुलसा शर्मा वाग्लेको सञ्चालन गरेका थिए ।
