भैरहवा । सिद्धार्थनगर नगरपालिका, भैरहवाका मेयर तथा संविधान सभा सदस्य इश्तियाक अहमद खानले गौतमबुद्ध अन्तर्राष्ट्रिय विमानस्थल पूर्णरुपमा सञ्चालनमा ल्याउन ढिलासुस्ती र बहानाबाजी गरेको भन्दै संघीय सरकारका संस्कृति, पर्यटन तथा नागरिक उड्डयन मन्त्री बद्री प्रसाद पाण्डेयको कडा आलोचना गर्नुभएको छ ।
मेयर खानले विमानस्थल सञ्चालनको ढिलाइमा भारतलाई मात्र दोष देखाएर सरकार आफ्नो जिम्मेवारीबाट पन्छिन नमिल्ने बताउनुभएको छ । उहाँले विमानस्थललाई पूर्ण क्षमतामा चलाउनका लागि ठोस कदम चाल्न र बहानाबाजी बन्द गर्न संघीय सरकारसँग माग गर्नुभयो । विमानस्थल सञ्चालनमा देखिएको अन्योलले यस क्षेत्रको पर्यटन तथा आर्थिक विकासमा नकारात्मक असर पारेको भन्दै स्थानीय सरकार र जनतामा आक्रोश बढेको पनि उहाँले उल्लेख गर्नुभयो ।
