मुख्य समाचार
कावासोतीमा यात्रुवाहक बस दुर्घटना हुँदा २५ जना घाइते | उदाउँदो सूर्यलाई अर्घ्य दिएसँगै चार दिवसीय छठ पर्व विधिवत् रूपमा सम्पन्न | साढे चार लाखभन्दा बढी मूल्यको अवैध चराको प्वाख र मोटरसाइकलसहित चालक नियन्त्रणमा | छठ पर्वले सामाजिक एकता र सहअस्तित्वको भावना बलियो बनाउँछः मुख्यमन्त्री आचार्य | आज छठ पर्वको मुख्य दिन: साँझ अस्ताउँदो सूर्यलाई अर्घ्य दिइँदै | छठ पर्वलाई लक्षित गर्दै नेपाल–भारत सीमा क्षेत्रमा सुरक्षा व्यवस्था कडा | रास्वपा र सरकारबिच विवाद छैन : सभापति लामिछाने | गागलफेदीस्थित होमस्टेबाट जुवा खेलिरहेको अवस्थामा ३७ जना पक्राउ | छठ पर्वको दोस्रो दिन आज खरना मनाइँदै | रास्वपा सभापति रवि लामिछानेको तीनदिने जनकपुर भ्रमण तालिका सार्वजनिक |
मुख्य समाचार
कावासोतीमा यात्रुवाहक बस दुर्घटना हुँदा २५ जना घाइते | उदाउँदो सूर्यलाई अर्घ्य दिएसँगै चार दिवसीय छठ पर्व विधिवत् रूपमा सम्पन्न | साढे चार लाखभन्दा बढी मूल्यको अवैध चराको प्वाख र मोटरसाइकलसहित चालक नियन्त्रणमा | छठ पर्वले सामाजिक एकता र सहअस्तित्वको भावना बलियो बनाउँछः मुख्यमन्त्री आचार्य | आज छठ पर्वको मुख्य दिन: साँझ अस्ताउँदो सूर्यलाई अर्घ्य दिइँदै | छठ पर्वलाई लक्षित गर्दै नेपाल–भारत सीमा क्षेत्रमा सुरक्षा व्यवस्था कडा | रास्वपा र सरकारबिच विवाद छैन : सभापति लामिछाने | गागलफेदीस्थित होमस्टेबाट जुवा खेलिरहेको अवस्थामा ३७ जना पक्राउ | छठ पर्वको दोस्रो दिन आज खरना मनाइँदै | रास्वपा सभापति रवि लामिछानेको तीनदिने जनकपुर भ्रमण तालिका सार्वजनिक |


नदीजन्य पदार्थको अवैध निकासी रोक्न सुनवल नगर प्रमुख अर्याल एक्सनमा

Ujyalosandeshonline 12676+ समाचार ( )
३० श्रावण २०८१, बुधवार

परासी । नदीजन्य पदार्थको अवैद्य रुपमा चोरी तस्करी बढ्न थालेपछि पश्चिम नवलपरासीको सुनवल नगरपालिकाले निगरानी बढाएको छ । सुनवलका विभिन्न खोलाबाट अवैद्य रुपमा नदीजन्य पदार्थको तस्करी हुँदा पनि प्रहरीले आँखा चिम्लेपछि सुनवल नगरपालिकाकी मेयर बिमला अर्याल एक्सनमा उत्रिनुभएको हो । 

मेयर अर्यालसहितको नगरको टोलीले आज सुनवलको तुरिया खोलामा पुगेर अवैद्य रुपमा नदीजन्य पदार्थको चोरी तस्करी गरिरहेका दुई वटा टिप्परलाई नियन्त्रणमा लिएको छ । नदीजन्य पदार्थ लोड गरि लाँदै गरेको अवस्थामा लु १ क ४५३७ र लु २ ख ३००८ नम्बरको टिप्परलाई नगरपालिकाले कब्जामा लिएको हो । 

असार,साउन र भदौ महिनामा नदीजन्य पदार्थ उत्खनन्मा सरकारले प्रतिबन्ध लगाउने गरेकोले यो समयको मौका छोप्दै सुनवलका तुरियासहित विभिन्न खोलाहरुबाट दैनिक रुपमै ठूलो मात्रामा नदीजन्य पदार्थको अवैद्य तस्करी भईरहेको स्थानीयवासीले गुनासो गर्दै आएका थिए । प्रहरी प्रशासनकै मिलेमत्तोमा नदीजन्य पदार्थको अवैध चोरी निकासी बढेपछि नियन्त्रणको लागि आफै खोलामा खटिनुपरेको नगर प्रमुख अर्यालले बताउनुभयो । 

उहाँले भन्नुभयो, “अवैध चोरी निकासी भईरहेको विषयमा प्रहरीलाई सूचना दिँदा प्रहरीले उल्टै तस्करीको साथ दिएर भगाईदिने र भाग्यो भन्ने जवाफ दिने गरेकोले आफै खोलामा नखटिई तस्करी नियन्त्रण गर्न नसकिने परिस्थिति आयो”

प्रहरीले सेटिङ्ग मिलाएर तस्करीलाई प्रशय दिन थालेपछि आज प्रहरीलाई जानकारी नै नदिई नगर प्रमुखसहितको टोली तुरिया खोलामा छड्के गएको थियो । आज विहान खोलामा पुग्दा तस्करीहरु भाग्न सफल भएपछि दिउँसो पुनः अचानक खोलामा पुगेर टिप्पर नियन्त्रणमा लिएको नगर प्रमुख अर्यालले बताउनुभयो । नियन्त्रणमा लिईएका दुवै टिप्पर नदीजन्य पदार्थसहित नगरपालिकाले नियन्त्रणमा राखेको छ । 

एक महिना यथास्थितिमा राखि थप कारवाही गरिने नगरपालिकाले जनाएको छ । अवैध रुपमा नदीजन्य पदार्थ चोरी निकासी गरिरहेको अवस्थामा नियन्त्रणमा लिईने टिप्परलाई पहिलो पटकको रु एक लाख,टेक्टरलाई रु ६० हजार र जेसिबीलाई रु दुई लाख जरिवाना गरिने नगरपालिकाले जनाएको छ । दोस्रो पटक पनि समातिएमा दोब्बर जरिवाना र त्यसपछि समातिएमा त्यसको पनि दोब्बर जरिवाना लिने गरिएको सुनवल नगरपालिकाले जनाएको छ ।

प्रतिक्रिया

ताजा समाचार

सबै







ट्रेन्डिङ

सबै







सम्बन्धित समाचार