रोहिणी । रोहिणी गाउँपालिका–४ स्थित श्री जन जागृति आधारभूत विद्यालयले शुक्रबार आफ्नो २७ औं वार्षिकोत्सव तथा अभिभावक दिवस मनाएको छ । गाउँपालिका अध्यक्ष विद्याप्रसाद यादवको प्रमुख आतिथ्यता र विद्यालय व्यवस्थापन समितिका अध्यक्ष बलिराम हरिजनको अध्यक्षतामा कार्यक्रम सम्पन्न भयो।
कार्यक्रममा प्रधानाध्यापक बबुन्ना गद्दीले वार्षिक प्रतिवेदन प्रस्तुत गर्नुभएको थियो भने विद्यार्थीहरूले सांस्कृतिक प्रस्तुति राखेका थिए। गाउँपालिकाका जनप्रतिनिधि, कर्मचारी र अभिभावकहरूको उपस्थिति रहेको सो कार्यक्रममा शैक्षिक गुणस्तर वृद्धिका लागि सबै एकजुट हुनुपर्ने सन्देश दिइएको थियो। सोही अवसरमा उत्कृष्ट विद्यार्थी तथा शिक्षकहरूलाई सम्मान गरिएको थियो।
