भैरहवा । जारी प्रधानमन्त्री कप क्रिकेट प्रतियोगितामा बागमती प्रदेशले पहिलो जित दर्ता गरेको छ । शुक्रबार भएको खेलमा बागमतीले सुदूरपश्चिमलाई ५५ रनले हराउदै पहिलो जित निकालेको हो ।
सुदूरपश्चिमलाई २६७ रनको लक्ष्य पाएको सुदूरको टोली ४७ ओेभरमा २११ रन बनाउदै अलआउट भएको छ । सुदूरको पुछारको ब्याटिङ चल्न नसक्दा प्रतियोगितामा उसले तेश्रो हार व्यहोर्नु परेको छ । ओपनर टेक रावतले ८८ बलको सामना गरि ३ चौकाका सहयोगमा ४५ रन बनाए पनि अन्य ब्याटरहरुको दरिलो साथ पाएनन । मध्यक्रममा आएका ब्याट्सम्यानहरुले केही आशा जर्गा पनि अन्ततः जित बागमतीकै पोल्टामा गएको छ । सुदूरका मध्यक्रमका ब्याट्सम्यानहरु नारायण जोशीले ३९ रन, राहुल भण्डारीले २६, किरण ठगुन्नाले २१ रन र शेर मल्लले १४ रन बनाए ।
बलिङमा बागमतीका राजन ढकाल र सोनु देवकोटाले ४/४ विकेट बाडे । राजनले १० ओभरमा १ मेडेन सहित ३० रन खर्चिनुभयो भने सोनुले १० ओभरमा ४९ रन खर्चिए । प्रतिश जिसीले १ विकेट लिए ।
यस अघि रुपन्देहीको एक्स्ट्राटेक ओभल क्रिकेट रङ्गशालामा टस जितेर ब्याटिङ रोजेको बागमतीले आशुतोष घिरैया र शभ कंसाकारको अर्धशतकको सहयोगमा ५० ओभर पुरा खेल्दै ८ विकेटको क्षतिमा २६६ रनको मध्यम योगफल तयार गरेको थियो ।
१०१ बल खेलेका ओपनर आशुतोषले ५ चौकाको सहयोगमा ५८ रन बनाए भने ६८ बल सामना गरेका शुभ कंसाकारले ५ चौका र ४ छक्काको सहयोगमा ७७ रन बनाए । यसै गरि बागमतीका लागि ईशान पाण्डे ३६ रन, पृथु बास्कोट र प्रतिस जिसीले समान १५/१५ रनको व्यक्तिगत योगदान गरे ।
बलिङमा सुदूरका हेमन्त धामी, शेर मल्ल र सुर्य श्रेष्ठले समान २/२ विकेट लिदा नारायण जोशी र राहुल भण्डारीको १/१ विकेट रह्यो ।
