मुख्य समाचार
कावासोतीमा यात्रुवाहक बस दुर्घटना हुँदा २५ जना घाइते | उदाउँदो सूर्यलाई अर्घ्य दिएसँगै चार दिवसीय छठ पर्व विधिवत् रूपमा सम्पन्न | साढे चार लाखभन्दा बढी मूल्यको अवैध चराको प्वाख र मोटरसाइकलसहित चालक नियन्त्रणमा | छठ पर्वले सामाजिक एकता र सहअस्तित्वको भावना बलियो बनाउँछः मुख्यमन्त्री आचार्य | आज छठ पर्वको मुख्य दिन: साँझ अस्ताउँदो सूर्यलाई अर्घ्य दिइँदै | छठ पर्वलाई लक्षित गर्दै नेपाल–भारत सीमा क्षेत्रमा सुरक्षा व्यवस्था कडा | रास्वपा र सरकारबिच विवाद छैन : सभापति लामिछाने | गागलफेदीस्थित होमस्टेबाट जुवा खेलिरहेको अवस्थामा ३७ जना पक्राउ | छठ पर्वको दोस्रो दिन आज खरना मनाइँदै | रास्वपा सभापति रवि लामिछानेको तीनदिने जनकपुर भ्रमण तालिका सार्वजनिक |
मुख्य समाचार
कावासोतीमा यात्रुवाहक बस दुर्घटना हुँदा २५ जना घाइते | उदाउँदो सूर्यलाई अर्घ्य दिएसँगै चार दिवसीय छठ पर्व विधिवत् रूपमा सम्पन्न | साढे चार लाखभन्दा बढी मूल्यको अवैध चराको प्वाख र मोटरसाइकलसहित चालक नियन्त्रणमा | छठ पर्वले सामाजिक एकता र सहअस्तित्वको भावना बलियो बनाउँछः मुख्यमन्त्री आचार्य | आज छठ पर्वको मुख्य दिन: साँझ अस्ताउँदो सूर्यलाई अर्घ्य दिइँदै | छठ पर्वलाई लक्षित गर्दै नेपाल–भारत सीमा क्षेत्रमा सुरक्षा व्यवस्था कडा | रास्वपा र सरकारबिच विवाद छैन : सभापति लामिछाने | गागलफेदीस्थित होमस्टेबाट जुवा खेलिरहेको अवस्थामा ३७ जना पक्राउ | छठ पर्वको दोस्रो दिन आज खरना मनाइँदै | रास्वपा सभापति रवि लामिछानेको तीनदिने जनकपुर भ्रमण तालिका सार्वजनिक |


भैरहवा-लुम्बिनी कोरिडोरका उद्योगहरू स्थानान्तरण गर्ने सर्वोच्चको आदेशले उद्योगीहरूमा चिन्ता, सिद्धार्थ उद्योग वाणिज्य संघको ध्यानाकर्षण

Ujyalosandeshonline 12676+ समाचार ( )
१६ भाद्र २०८२, सोमबार

भैरहवा । सर्वोच्च अदालतले भैरहवा-लुम्बिनी कोरिडोरमा रहेका उद्योगहरूलाई स्थानान्तरण वा बन्द गर्न दिएको आदेशप्रति सिद्धार्थ उद्योग वाणिज्य संघ, रुपन्देहीले गम्भीर ध्यानाकर्षण भएको जनाएको छ। संघले लुम्बिनीको संरक्षण र पर्यावरणीय सन्तुलन कायम राख्नु सबैको साझा दायित्व भए पनि यस आदेशले यस क्षेत्रका उद्योगी व्यवसायीहरूमा अनिश्चितता र असुरक्षाको वातावरण सिर्जना गरेको बताएको छ ।

सोमबार संघका अध्यक्ष नेत्र प्रसाद आचार्यद्वारा जारी विज्ञप्तिमा अरबौं रुपैयाँको लगानीमा सञ्चालित उद्योगहरूलाई स्थानान्तरण वा बन्द गर्नुपर्ने अवस्थाले हालको सुस्त आर्थिक परिस्थितिमा उद्योगहरूको अस्तित्व नै संकटमा पार्ने सम्भावना रहेको उल्लेख छ। संघले उद्योगहरूको संवैधानिक अधिकारको संरक्षण गर्नु राज्यको दायित्व रहेको र उचित क्षतिपूर्ति तथा आवश्यक सहुलियतको व्यवस्था नगरिएमा उद्योगीहरूको मनोबलमा गिरावट आउने, बैंकिङ क्षेत्रमा असर पर्ने तथा हजारौं श्रमिकहरूको रोजगारी संकटमा पर्ने खतरा औंल्याएको छ।

विज्ञप्तिमा उद्योग स्थानान्तरणपछि जमिनलाई पर्यटनमैत्री व्यवसायमा प्रयोग गर्न प्रोत्साहन गर्ने आदेशलाई व्यवहारमा परिणत गर्न आवश्यक पूर्वाधार, लगानीको वातावरण र नीतिगत स्पष्टताको अभावमा कार्यान्वयन चुनौतीपूर्ण रहेको पनि बताइएको छ ।

सिद्धार्थ उद्योग वाणिज्य संघले लुम्बिनी क्षेत्रको पुरातात्विक सम्पदाको संरक्षणप्रति आफूहरू प्रतिबद्ध रहेको जनाउँदै उद्योगहरूको अस्तित्व जोगाउन आवश्यक सहुलियत, क्षतिपूर्ति र नीतिगत स्पष्टता प्रदान गर्न राज्यको ध्यानाकर्षण गराएको छ। संघले उद्योगीहरूको हक, हित र रोजगारी सुरक्षित गर्न जोडदार माग गरेको छ । गत बुधबार सर्वोच्च अदालतले लुम्बिनीको संरक्षणका लागि लुम्बिनी आसपासको १५ किलोमिटरभित्र पर्ने उद्योगहरूलाई दुई वर्षभित्र सार्न वा बन्द गर्न आदेश दिएको थियो।

प्रतिक्रिया

ताजा समाचार

सबै







ट्रेन्डिङ

सबै







सम्बन्धित समाचार