मुख्य समाचार
कावासोतीमा यात्रुवाहक बस दुर्घटना हुँदा २५ जना घाइते | उदाउँदो सूर्यलाई अर्घ्य दिएसँगै चार दिवसीय छठ पर्व विधिवत् रूपमा सम्पन्न | साढे चार लाखभन्दा बढी मूल्यको अवैध चराको प्वाख र मोटरसाइकलसहित चालक नियन्त्रणमा | छठ पर्वले सामाजिक एकता र सहअस्तित्वको भावना बलियो बनाउँछः मुख्यमन्त्री आचार्य | आज छठ पर्वको मुख्य दिन: साँझ अस्ताउँदो सूर्यलाई अर्घ्य दिइँदै | छठ पर्वलाई लक्षित गर्दै नेपाल–भारत सीमा क्षेत्रमा सुरक्षा व्यवस्था कडा | रास्वपा र सरकारबिच विवाद छैन : सभापति लामिछाने | गागलफेदीस्थित होमस्टेबाट जुवा खेलिरहेको अवस्थामा ३७ जना पक्राउ | छठ पर्वको दोस्रो दिन आज खरना मनाइँदै | रास्वपा सभापति रवि लामिछानेको तीनदिने जनकपुर भ्रमण तालिका सार्वजनिक |
मुख्य समाचार
कावासोतीमा यात्रुवाहक बस दुर्घटना हुँदा २५ जना घाइते | उदाउँदो सूर्यलाई अर्घ्य दिएसँगै चार दिवसीय छठ पर्व विधिवत् रूपमा सम्पन्न | साढे चार लाखभन्दा बढी मूल्यको अवैध चराको प्वाख र मोटरसाइकलसहित चालक नियन्त्रणमा | छठ पर्वले सामाजिक एकता र सहअस्तित्वको भावना बलियो बनाउँछः मुख्यमन्त्री आचार्य | आज छठ पर्वको मुख्य दिन: साँझ अस्ताउँदो सूर्यलाई अर्घ्य दिइँदै | छठ पर्वलाई लक्षित गर्दै नेपाल–भारत सीमा क्षेत्रमा सुरक्षा व्यवस्था कडा | रास्वपा र सरकारबिच विवाद छैन : सभापति लामिछाने | गागलफेदीस्थित होमस्टेबाट जुवा खेलिरहेको अवस्थामा ३७ जना पक्राउ | छठ पर्वको दोस्रो दिन आज खरना मनाइँदै | रास्वपा सभापति रवि लामिछानेको तीनदिने जनकपुर भ्रमण तालिका सार्वजनिक |


स्थानीय उत्पादनबाटै आर्थिक उपार्जन र रोजगारी : मुख्यमन्त्री आचार्य

Ujyalosandeshonline 12676+ समाचार ( )
७ पौष २०८१, आइतबार

देउखुरी । लुम्बिनी प्रदेश सरकारले स्थानीय उत्पादन बढाउन साना तथा घरेलु उद्योगलाई प्रवद्र्धन गर्ने नीतिलाई प्राथमिकतामा राखेको छ । स्थानीय वनजंगलमा पाइने कच्चा पदार्थलाई नेपाली कागज बनाउन सदुपयोग गर्न सकिने र त्यसलाई प्रदेश सरकारले प्रवद्र्धन गर्ने मुख्यमन्त्री चेतनारायण आचार्यले बताएका छन् । 

राप्ती गाउँपालिका–४ पिरखुट्टी निवासी उद्यमी डम्बरबहादुर जिसी र राप्ती गाउँपालिकाका जन प्रति निधि सँगको भेटमा मुख्यमन्त्री आचार्यले स्थानीय उत्पादन बढाउन साना तथा घरेलु उद्योग लाई प्रवद्र्धन गरिने बताएका छन् । ‘स्थानीय उत्पादनले नै आर्थिक विकास बढ्छ । सरकारले पनि स्थानीय उत्पादन बढाउने गरी नीति तथा कार्यक्रम बनाएको छ’उनले भने,‘स्थानीयस्तरमा रोजगारी सृजना, स्थानीय कच्चा पदार्थको सदुपयोग र आर्थिक आयस्तर बढाउन घरेलु तथा साना उद्योगले पुर्‍याएका छन् ।’

भेटमा उद्यमी जिसीले नेपाली हातेकागज कारखाना स्थापना गरेको, वार्षिक एक करोड बढीको कारोबार गरिरहेको, २० जनालाई प्रत्येक्ष रोजगारी दिएको मुख्यमन्त्री आचार्यलाई जानकारी गराए । ‘बनकसलाई नेपाली कागज बनाउन प्रयोग गरिरहेका छौं । यो बनकस हरेक वर्ष सदुपयोग नभएर डढेलो लागेर खरानी हुन्थ्यो’उद्यमी जिसीले भने,‘गत वर्ष १५ लाख रुपैयाँको बनकस खरिद गरे । अहिले २० लाखको बनकस खरिद गर्ने योजना छ ।’ 

सरकारी कामकाजमा स्थानीयस्तरमा उत्पादन भएको नेपाली कागजलाई प्रयोगमा ल्याउन उद्यमी जिसीले अनुरोध गरे । ‘स्थानीयस्तरमा उत्पादन भएको नेपाली कागजलाई प्रदेश सरकारले सरकारी कामकाजमा प्रयोगमा ल्याउँदा हामीहरुलाई पनि हौसला थपिने थियो’जिसीले भने,‘प्रदेश सरकारले उद्योगको स्तरवृद्धि गर्न पनि सघाउने आशा गरेको छु ।

’ उद्योगले स्थानीय उपभोक्ताबाट बनकस खरिद गर्दै आएको छ । लोक्ता भने बाहिरी जिल्लाबाट आयात गर्नुपर्ने अवस्था छ । यहाँ उत्पादन भएको नेपाली कागज देशका ठूला शहरमा पुगेको, नेपाली कागज उत्पादन गर्न भ्याईनभ्याई भएको उद्यमीको भनाइ छ । परिवारका सदस्यले सुरु गरेको घरेलु उद्योगबाट उत्पादन भएको कागजले राम्रो बजार पाइरहेको छ ।

अब उद्योगलाई स्तरवृद्धि गरेर थप २० जनालाई रोजगारी सृजना गर्ने लक्ष्य रहेको उद्यमीको भनाइ छ । जिसीको परिवारले २०७९ फागुन १९ गतेबाट ४५ लाखको लगानीमा राप्ती नेपाली हातेकागज कारखाना स्थापना गरेर नेपाली कागज उत्पादन गर्दै आएको छ ।

प्रतिक्रिया

ताजा समाचार

सबै







ट्रेन्डिङ

सबै







सम्बन्धित समाचार