ओमसतिया । ओमसतिया गाउँपालिकाले श्रावण १३ गते मंगलवार नाग पञ्चमीको अवसरमा सार्वजनिक विदा दिने निर्णय गरेको छ । गाउँपालिकाले एक सूचना जारी गर्दै आफ्नो क्षेत्रभित्र सार्वजनिक विदाको घोषणा गरेको हो ।
गाउँपालिकाका अध्यक्ष मन्जित कुमार यादव (सोनु) द्वारा जारी गरिएको सूचनामा श्रावण १३ गते मंगलवारका दिन गाउँपालिकाको कार्यालय, सम्पूर्ण वडा कार्यालयहरु र सबै शैक्षिक संस्थाहरुमा विदा लागू हुने उल्लेख छ ।
यद्यपि, स्वास्थ्य चौकी लगायतका आकस्मिक सेवाहरु र बर्थिङ्ग सेन्टर भने उक्त दिन पनि निरन्तर सञ्चालनमा रहने सूचनामा स्पष्ट पारिएको छ । नाग पञ्चमी हिन्दू धर्मावलम्बीहरुको एक महत्वपूर्ण पर्व हो र यस अवसरमा नागको पूजाअर्चना गर्ने परम्परा रहिआएको छ ।
