मुख्य समाचार
कावासोतीमा यात्रुवाहक बस दुर्घटना हुँदा २५ जना घाइते | उदाउँदो सूर्यलाई अर्घ्य दिएसँगै चार दिवसीय छठ पर्व विधिवत् रूपमा सम्पन्न | साढे चार लाखभन्दा बढी मूल्यको अवैध चराको प्वाख र मोटरसाइकलसहित चालक नियन्त्रणमा | छठ पर्वले सामाजिक एकता र सहअस्तित्वको भावना बलियो बनाउँछः मुख्यमन्त्री आचार्य | आज छठ पर्वको मुख्य दिन: साँझ अस्ताउँदो सूर्यलाई अर्घ्य दिइँदै | छठ पर्वलाई लक्षित गर्दै नेपाल–भारत सीमा क्षेत्रमा सुरक्षा व्यवस्था कडा | रास्वपा र सरकारबिच विवाद छैन : सभापति लामिछाने | गागलफेदीस्थित होमस्टेबाट जुवा खेलिरहेको अवस्थामा ३७ जना पक्राउ | छठ पर्वको दोस्रो दिन आज खरना मनाइँदै | रास्वपा सभापति रवि लामिछानेको तीनदिने जनकपुर भ्रमण तालिका सार्वजनिक |
मुख्य समाचार
कावासोतीमा यात्रुवाहक बस दुर्घटना हुँदा २५ जना घाइते | उदाउँदो सूर्यलाई अर्घ्य दिएसँगै चार दिवसीय छठ पर्व विधिवत् रूपमा सम्पन्न | साढे चार लाखभन्दा बढी मूल्यको अवैध चराको प्वाख र मोटरसाइकलसहित चालक नियन्त्रणमा | छठ पर्वले सामाजिक एकता र सहअस्तित्वको भावना बलियो बनाउँछः मुख्यमन्त्री आचार्य | आज छठ पर्वको मुख्य दिन: साँझ अस्ताउँदो सूर्यलाई अर्घ्य दिइँदै | छठ पर्वलाई लक्षित गर्दै नेपाल–भारत सीमा क्षेत्रमा सुरक्षा व्यवस्था कडा | रास्वपा र सरकारबिच विवाद छैन : सभापति लामिछाने | गागलफेदीस्थित होमस्टेबाट जुवा खेलिरहेको अवस्थामा ३७ जना पक्राउ | छठ पर्वको दोस्रो दिन आज खरना मनाइँदै | रास्वपा सभापति रवि लामिछानेको तीनदिने जनकपुर भ्रमण तालिका सार्वजनिक |


सीमावर्ती क्षेत्रको आर्थिक र पर्यटन विकासका लागि भारत सरकारसँग पहलको माग

Ujyalosandeshonline 12676+ समाचार ( )
४ फाल्गुन २०८२, सोमबार

भैरहवा । भारत–नेपाल सीमावर्ती क्षेत्रमा आर्थिक गतिविधि सशक्त बनाउन र द्विपक्षीय सहकार्य विस्तार गर्न माग गर्दै लुम्बिनी प्रेस क्लब, नेपालले भारत सरकारका केन्द्रीय वित्त राज्यमन्त्री पंकज चौधरी समक्ष औपचारिक अनुरोध गरेको छ।

भारतको महाराजगन्जमा आयोजित एक कार्यक्रममा क्लबका अध्यक्ष कमल रायमाझीको हस्ताक्षरसहित बुझाइएको अनुरोधपत्रमा सीमावर्ती क्षेत्रको आर्थिक क्षेत्रलाई व्यवस्थित र चलायमान बनाउन भारत सरकारबाट विशेष पहल आवश्यक रहेको उल्लेख गरिएको छ।

अनुरोधपत्रमा भैरहवास्थित विशेष आर्थिक क्षेत्र (सेज) मा भारतीय लगानीका उद्योग सञ्चालनका लागि भारत सरकारले नेपाल सरकारसँग सहकार्य गर्नुपर्ने माग गरिएको छ। यसका साथै बेलहिया–सुनौली नाकामा निर्माण सम्पन्न भइसकेको एकीकृत जाँच चौकी (आईसीपी) लाई तत्काल सञ्चालनमा ल्याउन भारत सरकारबाट विशेष पहल हुनुपर्ने उल्लेख गरिएको छ।

त्यस्तै, नेपाल–भारत सीमावर्ती क्षेत्रको क्रस बोर्डर पर्यटन विकासका लागि विशेष योजना ल्याउन, नेपालमा तीव्र गतिमा अघि बढिरहेको औद्योगिकीकरणमा भारतीय लगानीकर्तालाई प्रोत्साहन गर्न र द्विपक्षीय आर्थिक सहकार्यलाई थप मजबुत बनाउन आग्रह गरिएको छ।

पत्रमा नेपाल र भारतबीचको पत्रकारिता क्षेत्रको एकता र विकासका लागि क्रस बोर्डर जर्नालिज्म एकेडेमी सञ्चालन गर्न पनि प्रस्ताव गरिएको छ। उक्त एकेडेमी सञ्चालनका लागि महराजगंज प्रेस क्लब को अगुवाइमा विशेष कदम चाल्न भारत सरकारसँग अपेक्षा गरिएको छ।

यस्तै, भगवान बुद्धसँग सम्बन्धित ऐतिहासिक एवं धार्मिक स्थलहरूलाई जोडेर ‘बुद्ध सर्किट’ निर्माण गर्न पनि भारत सरकारलाई आग्रह गरिएको छ। बुद्ध जन्मस्थल लुम्बिनी, ज्ञान प्राप्त गरेको स्थान बोधगया, पहिलो धर्मचक्र प्रवर्तन गरेको स्थान सारनाथ तथा महापरिनिर्वाण स्थल कुशीनगर लाई समेटेर समग्र बौद्ध पर्यटन प्रवद्र्धनका लागि साझा पहल आवश्यक रहेको क्लबको धारणा छ।

लुम्बिनी प्रेस क्लबले सीमावर्ती क्षेत्रको आर्थिक, औद्योगिक तथा पर्यटन विकासले नेपाल–भारत सम्बन्धलाई अझ सुदृढ बनाउने विश्वास व्यक्त गर्दै भारत सरकारबाट सकारात्मक पहलको अपेक्षा गरेको जनाएको छ।


प्रतिक्रिया

ताजा समाचार

सबै







ट्रेन्डिङ

सबै







सम्बन्धित समाचार