भैरहवा । राष्ट्रिय प्रजातन्त्र पार्टीका रुपन्देही जिल्ला उपाध्यक्ष सहित ३ जनाले पार्टीको साधारण सदस्य समेत नरहने गरि राजीनामा दिएको जनाएका छन । राजीनाम दिनेमा रुपन्देही जिल्ला उपाध्यक्ष अजय कुमार गुप्ता, रुपन्देही क्षेत्र नम्बर ३ का क्षेत्रीय उपाध्यक्ष डा. अमित चतुर्वेदी र पार्टीको जिल्ला सल्लाहकार विनिता गुप्ता रहेका छन । तीनै जनाले मंगलबार भैरहवामा पत्रकार सम्मेलनको आयोजना गरि राजिनामा दिएको जनाएका छन ।
राप्रपामा उमेर कटेकाहरुले पनि स्थान नछोडेको बताउदै तीन जनाले राजिनामा गरेको जनाएका छन । पत्रकार सम्मेलनमा बोल्दै अजय कुमार गुप्ताले राप्रपामा सकृय रुपमा बिभिन्न ओहोदामा रहि काम गरि आएकोमा साधारण सदस्य समेत नरहने गरि छोडेको बताए । यसै गरि क्षेत्रीय उपाध्यक्ष अमित चतुर्वेदीले पार्टीमा अझै पनि उमेर कटेका नेतृत्व हावी रहेको र युवाहरुले स्थान नपाएको बताए ।
सही कुरा हो , पार्टीले खेलेको नकारात्मक भूमिकाले पार्टीलाई सोचनीय असर पुर्याई रहेको छ। अब धेरै जना पदाधिकारी हरुको पनि राजीनामाको लहर चल्ने छ।