भैरहवा । सिद्धार्थनगर नगरपालिका वडा
नम्बर ९ मा रहेको श्री भानु माध्यमिक बिद्यालयमा कक्षा ९
मा अध्ययनरत बिद्यार्थीहरुले २०८० को एसइइ परीक्षाको तयारीमा रहेका कक्षा १० का
बिद्यार्थीहरूलाई परीक्षाको सफलताको शुभकामना ब्यक्त गर्ने कार्यक्रम सम्पन्न
गरेका छन ।
कक्षा ९ की कबिता मल्लाहको
अध्यक्षता र बिद्यालयका प्रधानाध्यापक मोतीलाल सुवेदीको प्रमुख आतिथ्यतामा सम्पन्न
कार्यक्रमा प्रधानाध्यापक मोतीलाल सुबेदीले नगर भित्र सामुदायीक बिद्यालय तर्फ कक्षा १२ को राष्ट्रिय
वोर्डको परीक्षामा बिगत ३ वर्षदेखी लगातार उत्कृष्ठ नतिजा ल्याउन सफल भएको बताए । कानून
विषयको पढाई हुने एक मात्र बिध्यालय भएको साथै ब्यवस्थापन एवं शिक्षा धारका पढाइ
हुने भएकोले कक्षा ११ र १२ पढाइका लागि
सबैको रोजाइमा रहेको उनले बताए । एसइइ परीक्षामा राम्रो जीपीए ल्याई सफलता हासिल गर्न उनले शुभकामना
दिए ।
कार्यक्रममा सहायक प्रधान अध्यापक महेश प्रसाद गुप्त र शिक्षक पीताम्वर पन्थले शुभकामना
मन्तब्य राखेका थिए । कक्षा ९ का साविया खातुन र बीरध्वज वाइवाले संचालन गरेको
कार्यक्रममा बिद्यार्थीहरुले शुभकामना आदान प्रदान सगै बिबिध मनोरंजनात्मक
कार्यक्रमहरू प्रस्तुत गरेका थिए ।
