भैरहवा । नेपाल भारत मैत्री संघ जिल्ला शाखा रुपन्देहीले बडादशैं, शुभ दिपावली एवम छठ पर्वको अवसरमा शुभकामना आदानप्रदान गरेको छ । बुधबार भैरहवामा एक कार्यक्रमको आयोजना गरि एक आपसमा शुभकामना आदानप्रदान गरिएको हो ।
कार्यक्रममा बोल्ने वक्ताहरुले नेपाल भारत मैत्री संघले नेपाल र भारतको सम्बन्धमा पुलको काम गरेको बताए । नेपालीहरु भारतमा र भारतीयहरु नेपालमा काम गर्न आउने क्रममा कामदार एवम रोटी बेटीको सम्बन्धमा संघले सहजीकरण गर्ने गरेको वक्ताहरुले बताएका थिए ।
कार्यक्रममा बोल्दै प्रमुख अतिथी इस्तियाक अहमद खानले नेपाल र भारतको सम्बन्ध अटुट रहेको बता । नेपालमा अतिथिलाइ देवता मानिने भएकोले भारतबाट आउने पर्यटक स्वरुपी देवताहरुलाइ सम्मान गर्नुपर्ने बताए ।पर्यटकलाइ पाहुनाको जस्तै व्यवहार गरे मात्रै पनि नेपाली पर्यटन क्षेत्रमा टेवा पुग्ने उनको भनाइ थियो ।
कार्यक्रम संयोजक अकबाल खानको अध्यक्षता सिद्धार्थनगर नगर पालिकाका प्रमुख इस्तियाक अहमद खानको प्रमुख आतिथ्यतामा सम्पन्न कार्यक्रमा नेपाल भारत मैत्री संघका जिल्ला अध्यक्ष श्रीचन्द गुप्ता, पूर्व केन्द्रिय अध्यक्ष मुरारीलाल अग्रवाल, केन्द्रिय उपाध्यक्ष बासुदेव रिमाल, केन्द्रिय सदस्य मोहनराज शर्मा, वडा नम्बर ३ का वडा अध्यक्ष नारायण प्रसाद उपाध्याय, ईलाका प्रहरी कार्यालय बेलहियाका प्रमुख मुकेश न्यौपाने लगायतले बोलेका थिए । कोषाध्यक्ष नलिन न्यौपानेको सन्चालन एवम उपाध्यक्ष जया उपाध्यायको स्वागतमा कार्यक्रम सम्पन्न भएको थियो ।
