काठमाडौं । संक्रमणकालीन न्यायसम्बन्धी विधेयकलाई टुंगोमा पुर्याउन बालुवाटारमा शीर्ष तीन दलको नेताहरुबीच बैठक सुरु भएको छ ।
सोमबार साँझ प्रधानमन्त्री पुष्पकमल दाहालले डाकेको बैठकमा सत्ता गठबन्धन दलका प्रमुख कांग्रेस सभापति शेरबहादुर देउवा, प्रमुख प्रतिपक्षी दल एमालेका अध्यक्ष केपी शर्मा ओलीसँग छलफल गरिरहेको प्रधानमन्त्रीको सचिवालयले जनाएको छ ।
बैठकमा कांग्रेस उपसभापति तथा उपप्रधान एवं रक्षामन्त्री पूणर्बहादुर खड्का, कानुनमन्त्री धनराज गुरुङ, माओवादीका उपमहासचिव वर्षमान पुन, एमालेका सचेतक महेश बर्तौलालगायत नेताहरु सहभागी छन् ।
दाहालले संक्रमणकालीन न्यायसम्बन्धी विधेयकलाई टुंगोमा पुर्याउन आइतबार पनि शीर्ष दलका नेतासँग बालुवाटारमै छलफल गरेका थिए । तीन दलका शीर्ष नेताहरुबीच संक्रमणकालीन न्यायसँग जोडिएको शान्ति प्रक्रियाका बाँकी कामलाई पूणर् दिन प्रधानमन्त्री दाहालले पुनः बैठक राखेका हुन् ।
बेपत्ता पारिएका व्यक्तिको छानबिन र सत्य निरूपण तथा मेलमिलाप आयोग ऐन, २०७१ लाई संशोधन गर्न बनेको विधेयक संघीय संसदमा विचाराधीन छ । उच्च राजनीतिक तहमा सहमति जुटाएर सरकारले हिउँदे अधिवेशनबाट विधेयकलाई टुंग्याउने तयारी गरिरहेको छ ।
