भैरहवा । रुपन्देहीको ओमसतिया गाउँपालिका वडा नम्बर ५ मा कम्बल वितरण गरिएको छ । वडा नम्बर ५ स्थित वडाकार्यालयमा आयोजित एक कार्यक्रमकाबीच एकल महिला,अपाङ्ग तथा ज्येष्ठ नागरिकलाई कम्बल वितरण गरिएको वडाकार्यालयले जनाएको छ ।
चिसो मौसमलाई मध्यनजर गरेर ५ सय जनालाई कम्बल वितरण गरिएको ओमसतिया गाउँपालिकाका प्रवक्ता एवमं वडा नं ५ का वडाअध्यक्ष मदन प्रसाद पोखरेले बताए । उनले भने, ‘चिसो मौसमबाट बच्न नागरिकलाई सहयोग पुगोस् भन्ने उद्देश्यले कम्बल वितरण गरिएको हो ।’
कार्यक्रममा ओमसतिया गाउँपालिका अध्यक्ष मन्जित कुमार यादव ,उपाध्यक्ष सुनिता चौधरी, वडा सदस्य चन्द्रभवती लोध ,समाजसेवी केशव यादव,वीर फाउन्डेसन नेपाल विजया खत्री स्थानीयबासी लगायतको उपस्थिति रहेको थियो ।
