जनकपुरधाम । मधेश प्रदेशका मुख्यमन्त्री सतीश कुमार सिंहले हरितालिका तीज पर्वको पावन अवसरमा सम्पूर्ण दिदीबहिनीहरूमा हार्दिक शुभकामना व्यक्त गर्नुभएको छ । मुख्यमन्त्री सिंहले तीजलाई अटल सौभाग्यको कामना सहित मनाइने, नारीहरूको आस्था, श्रद्धा र समर्पणको प्रतीकका रूपमा स्थापित पर्व भएको उल्लेख गर्नुभएको छ । भगवान् महादेव र माता पार्वतीको स्मरणमा व्रत, पूजा र भक्ति गर्ने परम्परा रहेको यस पर्वले नारीहरूको आध्यात्मिक शक्ति, पारिवारिक सौहार्द र सामाजिक एकतालाई अझ प्रगाढ बनाउन सहयोग पु¥याउँदै आएको उहाँले बताउनुभएको छ ।
शुभकामना सन्देशमा मुख्यमन्त्री सिंहले महिलाहरूको अधिकार, सम्मान र सशक्तिकरणको पक्षमा सबैको प्रतिबद्धता झन् प्रगाढ बनाउन यो पर्वले अवसर उपलब्ध गराउने विश्वास व्यक्त गर्नुभएको छ । यस पावन पर्वले हामी सबैमा नयाँ उमङ्ग, आशा, समृद्धि र आपसी एकताको भावना भर्न सकोस् भन्दै मुख्यमन्त्री सिंहले शुभकामना व्यक्त गर्नुभएको छ ।
म मुख्यमन्त्री माननीय सतिशकुमार सिंहज्यूलाई यो भन्न चाहन्छु कि उहाँले तीज पर्वको शुभकामना सँगसँगै मधेसका पर्व चौठीचानको पनि शुभकामना दिनुपर्ने हैन र