मुख्य समाचार
साढे चार लाखभन्दा बढी मूल्यको अवैध चराको प्वाख र मोटरसाइकलसहित चालक नियन्त्रणमा | छठ पर्वले सामाजिक एकता र सहअस्तित्वको भावना बलियो बनाउँछः मुख्यमन्त्री आचार्य | आज छठ पर्वको मुख्य दिन: साँझ अस्ताउँदो सूर्यलाई अर्घ्य दिइँदै | छठ पर्वलाई लक्षित गर्दै नेपाल–भारत सीमा क्षेत्रमा सुरक्षा व्यवस्था कडा | रास्वपा र सरकारबिच विवाद छैन : सभापति लामिछाने | गागलफेदीस्थित होमस्टेबाट जुवा खेलिरहेको अवस्थामा ३७ जना पक्राउ | छठ पर्वको दोस्रो दिन आज खरना मनाइँदै | रास्वपा सभापति रवि लामिछानेको तीनदिने जनकपुर भ्रमण तालिका सार्वजनिक | विश्व प्रहरी शिखर सम्मेलनमा सहभागी हुन गृहमन्त्री गुरुङ दुबई प्रस्थान | बल्खु–दक्षिणकाली–हेटौँडा सडक खण्डमा रात्रिकालीन सवारी सञ्चालनमा रोक |
मुख्य समाचार
साढे चार लाखभन्दा बढी मूल्यको अवैध चराको प्वाख र मोटरसाइकलसहित चालक नियन्त्रणमा | छठ पर्वले सामाजिक एकता र सहअस्तित्वको भावना बलियो बनाउँछः मुख्यमन्त्री आचार्य | आज छठ पर्वको मुख्य दिन: साँझ अस्ताउँदो सूर्यलाई अर्घ्य दिइँदै | छठ पर्वलाई लक्षित गर्दै नेपाल–भारत सीमा क्षेत्रमा सुरक्षा व्यवस्था कडा | रास्वपा र सरकारबिच विवाद छैन : सभापति लामिछाने | गागलफेदीस्थित होमस्टेबाट जुवा खेलिरहेको अवस्थामा ३७ जना पक्राउ | छठ पर्वको दोस्रो दिन आज खरना मनाइँदै | रास्वपा सभापति रवि लामिछानेको तीनदिने जनकपुर भ्रमण तालिका सार्वजनिक | विश्व प्रहरी शिखर सम्मेलनमा सहभागी हुन गृहमन्त्री गुरुङ दुबई प्रस्थान | बल्खु–दक्षिणकाली–हेटौँडा सडक खण्डमा रात्रिकालीन सवारी सञ्चालनमा रोक |


कोटहीमाई गाउँपालिका पूर्ण खोप सुनिश्चित तथा दिगोपना पालिका घोषणा

Ujyalosandeshonline 12674+ समाचार ( )
९ असार २०८३, मङ्गलबार

भैरहवा । रुपन्देहीको कोटहीमाई गाउँपालिकालाई पूर्ण खोप सुनिश्चितता तथा दिगोपना पालिका घोषणा गरिएको छ । सोमबार गाउँपालिका खोप समन्वय समितिको आयोजनामा एक कार्यक्रमकाबीच उक्त घोषणा गरिएको हो । कार्यक्रममा खोप समन्वय समितिका जिल्ला संयोजक तथा जिल्ला समन्वय समिति, रुपन्देहीका प्रमुख उमाकान्त चपाईले स्वास्थ्य क्षेत्रलाई स्थानीय तहले अझ बढी प्राथमिकतामा राख्नुपर्ने बताउनुभयो ।

उहाँका अनुसार रुपन्देहीका १६ स्थानीय तहमध्ये १३ वटा स्थानीय तहले पूर्ण खोप सुनिश्चितता घोषणा गरिसकेका छन् । चपाईले मर्चवार क्षेत्रका तीनवटै स्थानीय तहले खोप तथा स्वास्थ्य सेवाको गुणस्तर सुधारमा अझ सक्रिय भूमिका निर्वाह गर्नुपर्नेमा जोड दिनुभयो । महिला सामुदायिक स्वास्थ्य स्वयंसेविकाहरूको योगदानको प्रशंसा गर्दै उनीहरूको मनोबल उच्च बनाउन छिमेकी स्थानीय तहहरूले सञ्चालन गरेका प्रोत्साहन कार्यक्रमबाट सिक्न उहाँले सुझाव दिनुभयो ।

साथै लुम्बिनी प्रदेशका केही स्थानीय तहले स्वास्थ्य क्षेत्रमा गरेका उत्कृष्ट अभ्यासको उदाहरण प्रस्तुत गर्दै कोटहीमाईले पनि नमूना कार्य गर्नुपर्ने उहाँले धारणा राख्नुभयो ।कार्यक्रममा गाउँपालिकाका अध्यक्ष बालकृष्ण त्रिपाठीले महिला सामुदायिक स्वास्थ्य स्वयंसेविकाहरूलाई आगामी वर्षदेखि थप आकर्षक प्रोत्साहन उपलब्ध गराइने जानकारी दिनुभयो । स्वास्थ्य सेवाको पहुँच विस्तार तथा समुदायमा देखिएका स्वास्थ्यसम्बन्धी समस्याको समाधानका लागि स्वयंसेविकाहरूले निर्वाह गरेको भूमिकाको उहाँले प्रशंसा गर्नुभयो ।

पूर्ण खोप सुनिश्चितता घोषणा पूर्व खटिएका स्वास्थ्यकर्मी, जनप्रतिनिधि, स्वयंसेविका तथा सरोकारवालाहरूलाई धन्यवाद ज्ञापन गर्दै अध्यक्ष त्रिपाठीले आगामी दिनमा पनि पूर्ण खोपको दिगोपना कायम राख्न गाउँपालिका प्रतिबद्ध रहेको बताउनुभयो ।

गाउँपालिकाको स्वास्थ्य शाखा प्रमुख जितेन्द्र यादवले प्रस्तुत गर्नुभएको प्रतिवेदन अनुसार गाउँपालिकाका ७ वडामा सञ्चालित २१ वटा खोप केन्द्रमार्फत ३ हजार ७ सय ५२ जना बालबालिकालाई नियमित खोप सेवा प्रदान गरिएको छ । त्यस्तै गाउँपालिका अन्तर्गत रहेका ७ वटा स्वास्थ्य संस्थाबाट चालु आर्थिक वर्षमा ८ हजार ३ सय ८ जना पुरुष र १० हजार ८ सय ५९ जना महिला गरी १९ हजार १ सय ६७ जनाले बहिरंग (ओपीडी) सेवा लिएको जानकारी दिनुभयो ।

कार्यक्रममा गाउँपालिका उपाध्यक्ष सुशीला कुमारी यादव, समाजसेवी गुरुवचन यादव, सक्रौन–पकडी स्वास्थ्य चौकीका इन्चार्ज घनलाल अर्याल, महिला सामुदायिक स्वास्थ्य स्वयंसेविका कमलावती देवी कहारलगायतले शुभकामना मन्तव्य व्यक्त गर्नुभएको थियो । गाउँपालिका अध्यक्ष बालकृष्ण त्रिपाठीको अध्यक्षतामा सम्पन्न कार्यक्रमको सञ्चालन मनबहादुर कुँवरले गर्नुभएको थियो ।

प्रतिक्रिया

ताजा समाचार

सबै







ट्रेन्डिङ

सबै







सम्बन्धित समाचार