मुख्य समाचार
कावासोतीमा यात्रुवाहक बस दुर्घटना हुँदा २५ जना घाइते | उदाउँदो सूर्यलाई अर्घ्य दिएसँगै चार दिवसीय छठ पर्व विधिवत् रूपमा सम्पन्न | साढे चार लाखभन्दा बढी मूल्यको अवैध चराको प्वाख र मोटरसाइकलसहित चालक नियन्त्रणमा | छठ पर्वले सामाजिक एकता र सहअस्तित्वको भावना बलियो बनाउँछः मुख्यमन्त्री आचार्य | आज छठ पर्वको मुख्य दिन: साँझ अस्ताउँदो सूर्यलाई अर्घ्य दिइँदै | छठ पर्वलाई लक्षित गर्दै नेपाल–भारत सीमा क्षेत्रमा सुरक्षा व्यवस्था कडा | रास्वपा र सरकारबिच विवाद छैन : सभापति लामिछाने | गागलफेदीस्थित होमस्टेबाट जुवा खेलिरहेको अवस्थामा ३७ जना पक्राउ | छठ पर्वको दोस्रो दिन आज खरना मनाइँदै | रास्वपा सभापति रवि लामिछानेको तीनदिने जनकपुर भ्रमण तालिका सार्वजनिक |
मुख्य समाचार
कावासोतीमा यात्रुवाहक बस दुर्घटना हुँदा २५ जना घाइते | उदाउँदो सूर्यलाई अर्घ्य दिएसँगै चार दिवसीय छठ पर्व विधिवत् रूपमा सम्पन्न | साढे चार लाखभन्दा बढी मूल्यको अवैध चराको प्वाख र मोटरसाइकलसहित चालक नियन्त्रणमा | छठ पर्वले सामाजिक एकता र सहअस्तित्वको भावना बलियो बनाउँछः मुख्यमन्त्री आचार्य | आज छठ पर्वको मुख्य दिन: साँझ अस्ताउँदो सूर्यलाई अर्घ्य दिइँदै | छठ पर्वलाई लक्षित गर्दै नेपाल–भारत सीमा क्षेत्रमा सुरक्षा व्यवस्था कडा | रास्वपा र सरकारबिच विवाद छैन : सभापति लामिछाने | गागलफेदीस्थित होमस्टेबाट जुवा खेलिरहेको अवस्थामा ३७ जना पक्राउ | छठ पर्वको दोस्रो दिन आज खरना मनाइँदै | रास्वपा सभापति रवि लामिछानेको तीनदिने जनकपुर भ्रमण तालिका सार्वजनिक |


अर्घाखाँचीमा निजामती कर्मचारी संगठनद्वारा विद्यार्थीलाई छात्रवृत्ति प्रदान

अनिल नेपाली 141+ समाचार ( )
२० श्रावण २०८२, सोमबार

अर्घाखाँची । नेपाल निजामती कर्मचारी संगठन, जिल्ला कार्य समिति अर्घाखाँचीले आफ्नो स्थापना गरेको अक्षयकोष मार्फत भगवती माध्यमिक विद्यालय, सन्धिखर्क-२ चुत्राबेसीमा अध्ययनरत विद्यार्थीहरूलाई छात्रवृत्ति वितरण गरेको छ । "शहिद मनोज–सुरेन्द्र–झपेन्द्र स्मृति" दिवसको अवसरमा आयोजित एक कार्यक्रममा संगठनले एसईई परीक्षामा उत्कृष्ट अंक ल्याउन सफल तीन जना जेहेन्दार विद्यार्थीलाई सम्मान गरेको हो ।

कार्यक्रममा बोल्दै संगठनका जिल्ला अध्यक्ष पशुपति खनालले संगठनले स्थापना गरेको अक्षयकोषको ब्याजबाट विद्यार्थीहरूलाई प्रोत्साहन गर्न छात्रवृत्ति प्रदान गरिएको बताउनुभयो । उहाँका अनुसार, विकास पौडेल, समिक्षा खनाल र निर्जला बन्जाडेलाई जनही २५ सय रुपैयाँ नगद र प्रमाणपत्रसहित छात्रवृत्ति प्रदान गरिएको छ । छात्रवृत्ति पाएपछि विद्यार्थीहरूले खुशी व्यक्त गरेका छन् ।

संगठनका केन्द्रीय सदस्य तथा अर्घाखाँची इन्चार्ज गणेश प्रसाद भण्डारीले विद्यार्थीहरूलाई बधाई दिँदै भविष्यमा अझ राम्रो सफलताको शुभकामना दिनुभयो । कार्यक्रममा जिल्ला अध्यक्ष खनालले हाल ५० हजार १ सय १ रुपैयाँ रहेको अक्षय कोषको सावाँ रकममा २५ हजार थप गरी ७५ हजार १ सय १ रुपैयाँ पुर्‍याउने घोषणा समेत गर्नुभयो ।

कार्यक्रममा भगवती माध्यमिक विद्यालयका प्रधानाध्यापक ध्रुब केसी, कर्मचारीहरूको आधिकारिक ट्रेड युनियनका जिल्ला उपाध्यक्ष हरि प्रसाद डुम्रे लगायत विभिन्न कर्मचारी, शिक्षक, विद्यार्थी तथा पत्रकारहरूको उपस्थिति रहेको थियो । देशका अन्य भागहरूमा पनि नेपाल निजामती कर्मचारी संगठनले शहीद मनोज-झपेन्द्र-सुरेन्द्र स्मृति दिवसको अवसरमा विभिन्न कार्यक्रमहरू आयोजना गर्ने गरेको छ ।

प्रतिक्रिया

ताजा समाचार

सबै







ट्रेन्डिङ

सबै







सम्बन्धित समाचार