बुटवल । रूपन्देहीको तिलोत्तमामा पाँचौ दक्षिण एसियास्तरीय स्केटबोर्ड प्रतियोगिता तथा स्केट जात्रा बिहीबारदेखि सुरु भएको छ । नेपाल स्केटबोर्ड तथा स्केट बोर्डिङ संघ र स्केट एड नेपालको संयुक्त आयोजनामा रुपन्देहीको तिलोत्तमा–४ स्थित स्केट पार्कमा लुम्बिनी विकास कोषका उपाध्यक्ष ल्हारक्याल लामाले प्रतियोगिता उद्घाटन गरे ।
कार्यक्रममा तिलोत्तमा नगरपालिका सदस्य सुरेन्द्र श्रीले स्केट खेलको विकासका लागि स्केट एड नेपालसँग सहकार्य गरेर स्केटपार्क निर्माण गरेको बताउँदै आगामी दिनमा थप सहकार्य हुने बताए ।
नेपाल स्केटबोर्ड तथा स्केट बोर्डिङ संघका अध्यक्ष अच्युत खनालले प्रतियोगिताले स्केट खेलमा नयाँ आयाम थप्ने बताए । स्केट खेल सातै प्रदेशमा पु¥याइने उद्घोष उनले गरे ।
प्रतियोगितामा दक्षिण एसियाका नेपालसहित भारत, बंगलादेश, श्रीलंका, भुटान, पाकिस्तान र माल्दिभ्स तथा आमन्त्रित राष्ट्रमा म्यान्मार र थाइल्यान्डबाट नौ टोलीको सहभागिता रहेको स्क्ेट एड नेपालका अध्यक्ष जागृत पहाडीले बताए ।
तीनदिने प्रतियोगिताको पहिलो दिन छनोट चरणका खेल सञ्चालन भएको छ । छनोट चरणबाट प्रत्येक राष्ट्रको १६ खेलाडी सेमिफाइनलमा प्रवेश गर्नेछन् । सेमिफाइनलबाट प्रत्येक राष्ट्रको आठ खेलाडी उपाधि होडमा प्रवेश गर्नेछन् ।
पुरुष÷महिलामा गेम्स अफ स्केटबोर्ड र वेस्ट रन स्पर्धामा प्रतिस्पर्धा हुनेछ । दुवैको स्पर्धा प्रदर्शनका आधारमा शीर्ष तीन स्थान हात पार्ने खेलाडीको टुंगो लगाइने छ । पुरुष÷महिला दुवैमा शीर्ष तीन स्थान हात पार्नेले क्रमशः १ हजार अमेरिकी डलर, ५ सय डलर र २ सय ५० डलर नगद पुरस्कार प्राप्त गर्ने छन् ।
