काठमाडौँ । प्रधानमन्त्री वालेन्द्र शाहले सिंहदरबारस्थित प्रधानमन्त्री तथा मन्त्रिपरिषद्को कार्यालयमा सुरक्षा निकायका प्रमुखहरूसँग मुलुकको पछिल्लो शान्ति–सुरक्षाको अवस्थाबारे ब्रिफिङ लिनुभएको छ। प्रधानमन्त्री शाहले प्रधान सेनापति अशोकराज सिग्देल, नेपाल प्रहरीका महानिरीक्षक डा. मनोज कुमार केसी र सशस्त्र प्रहरी बलका महानिरीक्षक नारायणदत्त पौडेलसँग चाडपर्वमा नागरिकको सुरक्षा एवं समग्र शान्ति–सुरक्षाबारे छलफल गर्नुभएको हो।
सो अवसरमा उहाँले नेपाली सेना, नेपाल प्रहरी र सशस्त्र प्रहरी बलबीच आपसी समन्वय र सूचना आदानप्रदानलाई प्रभावकारी बनाउन निर्देशन दिनुभयो। साथै, नागरिकको जीउधनको सुरक्षामा ध्यान दिँदै अपराध नियन्त्रणमा ‘शून्य सहनशीलता’को नीति अपनाउन र शान्ति–सुरक्षा व्यवस्था चुस्त बनाउन उहाँले निर्देशन दिनुभएको छ।
