पाल्पा । पाल्पाको तिनाउ खोलामा डुबेरमा भारतीय नागरिकको मृत्यु भएको छ । तिनाउ गाउँपालिका-३ झुम्सा स्थित तिनाउ खोलामा नुहाउने क्रममा भारत उत्तर प्रदेश, कानपुरका ३५ वर्षीय फहिम अहमदको डुबेर मृत्यु भएको प्रारम्भिक अनुसन्धानमा पाईएको जिल्ला प्रहरी कार्यालय पाल्पाका सूचना अधिकारी सुगन्ध श्रेष्ठले बताए ।
उनका अनुसार अहमद नुहाउने क्रममा डुबेर बेहोस भएपछि उनका साथीहरुले उपचारका लागि लुम्बिनी प्रादेशिक अस्पताल बुटवल ल्याउँदा उनको मृत्यु भईसकेको चिकित्सकले घोषणा गरेका छन् । घटनाको सम्बन्धमा थप अनुसन्धान भईरहेको पाल्पा प्रहरीले जनाएको छ ।
