अर्घाखाँची । अर्घाखाँचीमा १५१ औं विश्व हुलाक दिवसको अवसरमा जिल्ला हुलाक कार्यालयले १४ जना उत्कृष्ट तथा सेवानिवृत्त कर्मचारी र एक जना पत्रकारलाई सम्मान गरेको छ। सामुदायिक रेडियो अर्घाखाँचीका स्टेशन म्यानेजर गोपाल प्रसाद भट्टराईलाई पत्रकारिताको क्षेत्रबाट सम्मान गरियो। उत्कृष्ट कर्मचारीका रुपमा मदन भट्टराई, दिपा खनाल चुंदाली, दामोदर पोख्रेल, जीवप्रसाद श्रेष्ठ र सिता खनाललाई सम्मान गरियो।
सेवानिवृत्त कर्मचारीहरू ओमलाल भट्टराई, टोपलाल पाण्डे, नुमलाल पौडेल, माधव पौडेल, कमला खनाल, कमल घिमिरे, डबल प्रसाद भुसाल, चुरामणी भट्टराई र गिरी प्रसाद मरासिनी पनि सम्मानित भए।
जिल्ला हुलाक कार्यालय अर्घाखाँचीका प्रमुख हुलाक अधिकृत भरत सापकोटाको अध्यक्षतामा सम्पन्न कार्यक्रममा हुलाक र संचार जगतबीचको समन्वयको महत्वमाथि जोड दिइयो। सापकोटाले हुलाक सेवालाई थप प्रभावकारी बनाउन अन्तर्राष्ट्रिय संस्थाहरूसँग साझेदारी गर्ने र जनताको सेवालाई अझ गुणस्तरीय बनाउन सरोकारवालाहरूसँग समन्वय गर्ने प्रतिबद्धता व्यक्त गरे।
