अर्घाखाँची । अर्घाखाँची जिल्लाको सन्धिखर्क नगरपालिका–६, राटटाडी निवासी ५७ वर्षीय इन्द्र बहादुर सार्की गम्भीर स्वास्थ्य समस्याका कारण अस्पतालको शैयामा जीवन र मरणको दोसाँधमा छटपटाइरहनुभएको छ । विगत ४ वर्षदेखि मुटु, मृगौला र कलेजोको समस्यासँग जुधिरहनुभएका सार्कीको दुवै मृगौलाले काम गर्न छाडेपछि नियमित डायलाइसिस गर्नुपर्ने अवस्था आएको छ ।
लामो समय भारतमा बसेर दीनदुःखीको सेवामा सक्रिय सार्की आफैं रोगले थलिएपछि उपचारका लागि नेपाल तथा भारतका विभिन्न अस्पताल धाइसक्नुभएको छ । मुटुको दुई पटक शल्यक्रिया गरिसक्नुभएका उहाँको आँखाले पनि राम्रोसँग देख्न छाडेको छ । चिकित्सकहरूले नियमित औषधि सेवन र स्वास्थ्य परीक्षणका लागि ठूलो धनराशि आवश्यक पर्ने बताएका छन् ।
उपचारका क्रममा आफ्नो भएको जायजेथा र नगद सबै सकिएपछि सार्कीको परिवारको आर्थिक अवस्था अत्यन्तै नाजुक बनेको छ । अस्पतालको शैयाबाटै उहाँले आफ्नो उपचारका लागि मनकारी दाताहरूसँग सहयोगको अपिल गर्नुभएको छ ।
सार्कीको जीवन रक्षाका लागि सहयोग गर्न चाहने महानुभावहरूले अर्घाखाँचीको सन्धिखर्कमा रहेको मेगा बैंकको शाखामा उहाँको नाममा रहेको खाता नम्बर 09305350001366 मा रकम जम्मा गरेर सहयोग गर्न सक्नुहुनेछ । तपाईंको सानो सहयोगले एकजनाको ज्यान बच्न सक्छ ।
Hlo
Hlo