काठमाडौं । सूचना सञ्चार तथा प्रविधिमन्त्री रेखा शर्माले राष्ट्रिय साइबर सुरक्षा केन्द्र निर्माणको प्रक्रिया अगाडि बढाइएको बताएकी छन् । शुक्रबार पुल्चोक इन्जिनियरिङ अध्ययन सस्थानमा लोकस प्रर्दशनी २०२४ को उदघाट कार्यक्रमलाई सम्बोधन गर्दै उनले नेपालमा पहिलोपटक साइबर सुरक्षा नीति २०८० पारित गरिसकेको भन्दै त्यसकै आधारमा आवश्यक नियम कानुनहरु र राष्ट्रिय साइबर सुरक्षा केन्द्र निर्माणको प्रक्रिया अगाडि बढेको बताएकी हुन् ।
उनले भनिन्,‘हामीले नेपालमा पहिलोपटक साइबर सुरक्षा नीति २०८० पारित ग¥यौं । यहि नीतिको आधारमा आवश्यक नियम कानुनहरु र राष्ट्रिय साइबर सुरक्षा केन्द्र निर्माण गर्ने प्रक्रिया अगाडि बढेको छ । अब चाँडै क्याविनेटले पारित गरेर नेपालमा सरकारी स्तरमा राष्ट्रिय साइबर सुरक्षा केन्द्र निर्माण हुने पक्रियामा पुगेका छौं ।’
उनले अहिले सुचना सञ्चार र प्रविधिको क्षेत्रमा डिजिटल डिभाइड ठूलो चुनौतीको रुपमा रहेको बताइन् । जनताको दैनिक जीवनलाई सहज बनाउन डिजिटल पूर्वाधार परिचालन गर्न आवश्यक जनशक्तिको विकास गर्नुपर्ने आवश्यकता रहेको उनको भनाई छ ।
‘जनताको दैनिक जीवनलाई सहज बनाउन, समृद्धिको बाटोमा अगाडि बढाउन डिजिटल पूर्वाधार निर्माण र परिचालन गर्ने आवश्यक जनशक्तिको विकास गर्नु आजको हाम्रो आवश्यकता हो । देशका सबै ठाउँमा डिजिटल पूर्वाधारको विकास गर्न सकिरहेका छैनौं । अर्कोतिर शिक्षा चेतना आर्थिक अवस्थाका कारण सबै नागरिकले सुचना प्रविधिको प्रयोग गर्ने अवस्था सृजना गर्न सकेका छैनौं, ’उनले भनिन्,‘कतिपय ठाउँमा पहुँच पु¥याउन सकेका छैनौं । कतिपय पुगेको ठाउँमा पनि प्रयोग गर्ने सामथ्र्य र चेतना छैन् । यसैलाई हामीले डिजिटल डिभाइड भन्छौ । यो अहिलेको सुचना सञ्चार र प्रविधिको क्षेत्रमा यो निकै ठूलो चुनौती हो ।’
उनले अब सूचना र प्रविधिको विकासबाट भागेर होइन यसको उचित प्रयोग र आवश्यक विकास गरेरमात्र देशलाई अगाडि बढाउन सकिने टिप्प्णी गरिन् । अब डिजिटल रुपान्तरणविना कुनैपनि क्षेत्रमा अगाडि बढ्नसक्ने परिस्थीति नरहेको उनको भनाई छ ।
