अर्घाखाँची । कपिलवस्तुबाट अर्घाखाँची जाँदै गरेको लु १ ख ६९८८ नम्बरको बसबाट करिब १०० किलोभन्दा बढी अवैध माछा बरामद गरिएको छ । पत्थरकोट प्रहरी चौकीले नियमित चेकजाँचका क्रममा पत्थरकोटमा उक्त माछा फेला पारेको हो ।
प्रहरीका अनुसार बरामद गरिएको माछाको कुनै बिल वा कागजात नभएकोले जनप्रतिनिधि र स्थानीयवासीको उपस्थितिमा खाल्डो खनी नष्ट गरिएको छ । प्रहरी चौकी पत्थरकोटका प्रमुख एल.बी. विश्वकर्माले बरामद गरिएको माछा अवैध रूपमा लैजाँदै गरिएको पुष्टि भएपछि कानूनी प्रक्रिया अनुसार नष्ट गरिएको जानकारी दिनुभयो । बरामद गरिएको माछाको मूल्य करिब ३२,००० रुपैयाँ बराबर रहेको प्रहरीले अनुमान गरेको छ ।
