परासी । पश्चिम नवलपरासी प्रहरीले लागूऔषध नाइट्राभेट सहित दुईजनालाई पक्राउ गरेको छ । पक्राउ पर्नेहरुमा रामग्राम नगरपालिका वडा नं. १ सौवाटिकर बस्ने २२ वर्षीय दिनानाथ राजभर र रामग्राम नगरपालिका वडा नं. १२ पचगवा बस्ने २० वर्षीय मनिष ठाकुर छन् ।
प्रहरी चौकी गेर्मीबाट खटिएको प्रहरी गस्ती टोलीले पाल्हिनन्दन गाउँपालिका वडा नं. ५ भगतपुराबाट शंका लागेपछि चेकजाँच गर्दा नाईट्राभेट १५० (एक सय पचास) ट्याब्लेट लागूऔषध फेला पारेको जनाएको छ । आरोपित दुवैजनालाई लागूऔषध मुद्दामा कारबाही चलाइएको जिल्ला प्रहरी कार्यालय नवलपरासीका सूचना अधिकारी प्रहरी नायव उपरीक्षक रेशम बोहराले जनाएका छन् ।
