मुख्य समाचार
साढे चार लाखभन्दा बढी मूल्यको अवैध चराको प्वाख र मोटरसाइकलसहित चालक नियन्त्रणमा | छठ पर्वले सामाजिक एकता र सहअस्तित्वको भावना बलियो बनाउँछः मुख्यमन्त्री आचार्य | आज छठ पर्वको मुख्य दिन: साँझ अस्ताउँदो सूर्यलाई अर्घ्य दिइँदै | छठ पर्वलाई लक्षित गर्दै नेपाल–भारत सीमा क्षेत्रमा सुरक्षा व्यवस्था कडा | रास्वपा र सरकारबिच विवाद छैन : सभापति लामिछाने | गागलफेदीस्थित होमस्टेबाट जुवा खेलिरहेको अवस्थामा ३७ जना पक्राउ | छठ पर्वको दोस्रो दिन आज खरना मनाइँदै | रास्वपा सभापति रवि लामिछानेको तीनदिने जनकपुर भ्रमण तालिका सार्वजनिक | विश्व प्रहरी शिखर सम्मेलनमा सहभागी हुन गृहमन्त्री गुरुङ दुबई प्रस्थान | बल्खु–दक्षिणकाली–हेटौँडा सडक खण्डमा रात्रिकालीन सवारी सञ्चालनमा रोक |
मुख्य समाचार
साढे चार लाखभन्दा बढी मूल्यको अवैध चराको प्वाख र मोटरसाइकलसहित चालक नियन्त्रणमा | छठ पर्वले सामाजिक एकता र सहअस्तित्वको भावना बलियो बनाउँछः मुख्यमन्त्री आचार्य | आज छठ पर्वको मुख्य दिन: साँझ अस्ताउँदो सूर्यलाई अर्घ्य दिइँदै | छठ पर्वलाई लक्षित गर्दै नेपाल–भारत सीमा क्षेत्रमा सुरक्षा व्यवस्था कडा | रास्वपा र सरकारबिच विवाद छैन : सभापति लामिछाने | गागलफेदीस्थित होमस्टेबाट जुवा खेलिरहेको अवस्थामा ३७ जना पक्राउ | छठ पर्वको दोस्रो दिन आज खरना मनाइँदै | रास्वपा सभापति रवि लामिछानेको तीनदिने जनकपुर भ्रमण तालिका सार्वजनिक | विश्व प्रहरी शिखर सम्मेलनमा सहभागी हुन गृहमन्त्री गुरुङ दुबई प्रस्थान | बल्खु–दक्षिणकाली–हेटौँडा सडक खण्डमा रात्रिकालीन सवारी सञ्चालनमा रोक |


मर्चवार प्रेस क्लबको दोस्रो वार्षिक साधारण सभा सम्पन्न : पत्रकारितालाई समाजको पहरेदार बनाउन जोड

जैसमोहम्मद खान 77+ समाचार ( )
२८ चैत्र २०८२, शनिबार

मर्चवार । मर्चवार प्रेस क्लब, रुपन्देहीको दोस्रो वार्षिक साधारण सभा सम्मरीमाई गाउँपालिका–७ स्थित बेतकुइयाँमा सम्पन्न भएको छ । वडा कार्यालयको सभाहलमा आयोजित कार्यक्रममा वक्ताहरूले पत्रकारिता क्षेत्रले समाजको पहरेदारका रूपमा काम गर्दै सार्वजनिक निकायलाई उत्तरदायी बनाउनुपर्नेमा जोड दिएका छन् ।

कार्यक्रमका प्रमुख अतिथि एवं सम्मरीमाई गाउँपालिका वडा नं. ७ का वडाध्यक्ष राधेश्याम कुर्मीले सरकार र निजी क्षेत्रका कमी–कमजोरीलाई औंल्याउँदै समाजलाई सही दिशा दिन पत्रकारले निष्पक्ष कलम चलाउनुपर्ने बताउनुभयो । पत्रकारको योगदानलाई राज्य र निजी क्षेत्र दुवैले सम्मान गर्नुपर्ने उल्लेख गर्दै उहाँले समाजमा राम्रो काम गर्नेलाई प्रोत्साहन र गलत गर्नेलाई खबरदारी गर्नुपर्ने धारणा राख्नुभयो ।

विशिष्ट अतिथिको आसनबाट बोल्दै मधेशी पत्रकार समाज लुम्बिनी प्रदेशका अध्यक्ष एवं संस्थाका सल्लाहकार रामविकास चौधरीले पत्रकारितामा चुनौती थपिँदै गएकाले सत्यतथ्य र खोजमूलक समाचारमा जोड दिनुपर्ने बताउनुभयो । उहाँले सूचनाको हक प्रयोग गरी सार्वजनिक निकायलाई जवाफदेही बनाउन र ओझेलमा परेका धार्मिक, पुरातात्त्विक एवं शोषित–पीडितका मुद्दालाई उजागर गर्न पत्रकारहरूलाई आग्रह गर्नुभयो । नयाँ संस्थाका रूपमा रहेको मर्चवार प्रेस क्लबलाई थप सुदृढ र मर्यादित बनाउन सबै सदस्यहरू सक्रिय हुनुपर्ने उहाँको भनाइ थियो ।

क्लबका अध्यक्ष हृदयराम गुप्ताको अध्यक्षतामा सम्पन्न कार्यक्रममा संस्थाको प्रतिवेदन र भावी कार्यदिशाबारे चर्चा गरिएको थियो । उहाँले क्लबले पत्रकारहरूको क्षमता विकास र हकहितका लागि निरन्तर काम गर्ने प्रतिबद्धता जनाउनुभयो । कार्यक्रममा सह–सचिव सीताराम चौधरीले लेखापरीक्षण प्रतिवेदन प्रस्तुत गर्नुभएको थियो भने उपाध्यक्ष सुमन कुमारी कलवार र सदस्य अन्जना चौहानले अतिथिहरूलाई स्वागत गर्नुभएको थियो । संस्थाका सचिव मोहम्मद असल खाँले कार्यक्रमको सञ्चालन गर्नुभएको थियो ।

प्रतिक्रिया

ताजा समाचार

सबै







ट्रेन्डिङ

सबै







सम्बन्धित समाचार