भक्तपुर । जिल्ला प्रहरी परिसर भक्तपुरको टोलीले आज जुवा खेल्दै गरेको अवस्थामा ठूलो परिमाणमा नगदसहित २७ जना जुवाडेलाई पक्राउ गरेको छ । प्रहरीले जुवाखालबाट ९ लाख २३ हजार ९ सय ६० रुपैयाँ नगद र १६ वटा कौडासमेत बरामद गरेको छ ।
जिल्ला प्रहरी परिसर भक्तपुरका प्रहरी नायब उपरीक्षक प्रकाश जबेगुले दिएको जानकारी अनुसार, गोप्य सूचनाका आधारमा प्रहरी टोलीले छापा मारेको थियो । छापा मार्ने क्रममा जुवा खेलिरहेका २७ जनालाई रंगेहात पक्राउ गरिएको उहाँले बताउनुभयो । पक्राउ परेका सबैलाई प्रहरी हिरासतमा राखिएको छ भने उनीहरुमाथि थप अनुसन्धान भइरहेको प्रहरी नायब उपरीक्षक जबेगुले जानकारी दिनुभयो ।
