परासी । पश्चिम नवलपरासीको सरावल गाउँपालिका–३ कुठीलाहाबाट प्रहरीले ६०० एम्पुल प्रतिबन्धित लागुऔषधसहित दुई जनालाई पक्राउ गरेको छ। लागुऔषध नियन्त्रण ब्युरो भैरहवा र जिल्ला प्रहरी कार्यालयको संयुक्त टोलीले यूपी ५७ एएस ३२३५ नम्बरको भारतीय मोटरसाइकल जाँच गर्ने क्रममा सरावलका २० वर्षीय रमेश हरिजन र १८ वर्षीय राम प्रसाद हरिजनलाई पक्राउ गरेको हो।
उनीहरूको साथबाट डाइजेपाम, फेनारगन र बुप्रिनोर्फिन गरी ६०० एम्पुल लागुऔषध बरामद गरिएको र दुवै जनामाथि अदालतबाट म्याद थप गरी आवश्यक अनुसन्धान भइरहेको जिल्ला प्रहरी कार्यालयका सूचना अधिकारी एवं प्रहरी नायव उपरीक्षक मदन थापाले जानकारी दिनुभयो।
